Ang “Pito ka Sala sa Kalibotan”

GIINGON nga si Mohandas Gandhi migamag listahan sa iyang ginganlang “Pito ka Sala sa Kalibotan.” Kini sila mao ang mosunod:

• Bahanding walay trabaho

• Kalingawang walay tanlag

• Kahibalong walay maayong kinaiya

• Komersiyong walay moralidad

• Siyensiyang walay pagkatawhanon

• Pagsimbang walay sakripisyo

• Politikang walay prinsipyo

Ang iyang apong lalaki nga si Arun Gandhi giingong midugang ug ikawalo:

• Mga katungod nga walay mga responsabilidad

Tingali makasugyot kag pipila pa, apan kining listahana tinuod nga makapukaw sa hunahuna. Ang sulbad sa Bibliya sa maong “mga sala” gipamubo sa duha ka sugo: “‘Higugmaon mo gayod si Jehova nga imong Diyos sa tibuok mong kasingkasing ug sa tibuok mong kalag ug sa tibuok mong kaisipan.’ Kini ang kinadak-an ug unang sugo. Ang ikaduha, nga susama niini, mao kini, ‘Higugmaon mo gayod ang imong silingan ingon sa imong kaugalingon.’ Niining duha ka sugo nahisang-at ang tibuok Balaod, ug ang mga Propeta.”​—Mateo 22:​37-40.

[Picture Credit Line sa panid 20]

UPI/Corbis-Bettmann