“Usa ka Dakong Serbisyo Alang sa Katawhan”

“Nakahimo kamog usa ka dakong serbisyo alang sa katawhan sa pagpatik niining libroha. Kahibulongan kini. Ekselenteng paghugpong sa mga kasayoran. Takos sa apresasyon.

“Ang katahom sa libro mao nga naghisgot kini sa tanang bahin sa relihiyon, ug sa pagbuhat niana giampingan ang dili pagpanaway. Maayo kaayong pagkabuhat. Talagsaon kaayong libro.”

Unsang libroha ang gitumong sa doktor nga taga-Tiruchchirappalli, India, kinsa misulat sa maong sulat? Ang Pagpangita sa Katawhan sa Diyos, usa ka 384-panid nga paghugpong sa mga sinugdanan ug mga pagtulon-an sa dagkong mga relihiyon sa kalibotan​—Hinduismo, Budhismo, Taoismo, Confucianismo, Shinto, Judaismo, Kristiyanidad, ug Islam. Ang kataposang mga kapitulo nagpatin-aw sa kawalay-pagtuo karon ug ang pagbalik ngadto sa matuod nga Diyos. Kapig 16 milyong kopya niining libroha ang gipatik diha sa 37 ka pinulongan.

Ang doktor nakabasa sa usa ka hinulamang kopya. Gusto niyang makabatog kopya alang sa iyang kaugalingon. Kon buot nimong susihon kining ilustradong libro sa imong kaugalingon, palihog pakigkita sa mga Saksi ni Jehova diha sa inyong dapit o pagsulat ngadto sa kinadul-ang adres sa panid 5 niining magasina.