“Dad-i Akog Kuwarenta. Akoy Apod-apod Niana”

Ingong bahin sa ilang edukasyonal nga buluhaton sa Bibliya sa habagatang Alemanya, si Wolfgang ug ang iyang asawa, si Waltraut, sa daghang higayon nagtanyag sa usa ka tawo ug mga kopya sa Pagmata! Kanunay siyang mobalibad, nga moingon: “Daghan na kaayo akog nabatonan nga pagabasahon.”

Apan, ang magtiayon nakamatikod nga maayong mabasa sa tawo ang artikulong “Pagpapas sa Sayop nga mga Hunahuna Bahin sa mga Saksi ni Jehova,” sa Nobyembre 22, 1996, nga gula sa Pagmata! Ang artikulo maoy bahin sa usa ka pakigpulong nga gihatag sa Rotary Club sa California sa Tinipong Bansa.

Sa dihang gibuksan ni Wolfgang ang magasin nianang artikuloha ug gipakita kini ngadto sa tawo, ang tawo misugod sa pagbasa niana. Dayon nangutana siya kon mahimo bang iya na lang kadto. “Basahon nako kini karong gabii kon tawhay na ako,” siya miingon.

Nahibalag ni Wolfgang ug sa iyang asawa ang tawo sa tulo ka adlaw sa ulahi. Unsay iyang reaksiyon? “Ang artikulo makaiikag kaayo,” siya miingon.

Nganong naikag kaayo siya? Daw siya adunay sayop nga mga hunahuna usab bahin sa mga Saksi ni Jehova. Siya karon mibati nga seguradong ang iyang mga higala sa Rotary Club malingaw sa pagbasa sa artikulo. “Makakuha ka ba ug dugang kopya sa artikulo?” siya nangutana.

“Pilay imong gusto?” nangutana si Waltraut.

“Dalhi akog kuwarenta. Akoy apod-apod niana.”

Kon buot nimong makadawat ug usa ka kopya sa Pagmata! o gustong may magdumalag usa ka pagtuon sa Bibliya sa balay uban kanimo, palihog pagsulat ngadto sa Watch Tower, P.O. Box 2044, 1060 Manila, o sa adres nga labing duol kanimo nga nalista sa panid 5.