“Kamo Nagahimog Maayong Pag-alagad sa Katawhan”

Usa ka tawo nga taga-Goa, India, nakabaton ug duha ka kopya sa Pagmata! gikan sa duha ka Saksi ni Jehova nga miduaw sa iyang balay. Human basaha kini, siya misulat sa mosunod nga sulat ngadto sa mga magpapatik sa magasin:

“Ako mapasalamaton sa duha ka babaye nga miduaw sa akong balay sa miaging adlaw ug nagbilin ug mga kopya sa magasing Pagmata! Naghunahuna nga kini maoy propaganda, wala ko kini tagda sa pila ka panahon. Apan usa ka adlaw gitan-aw ko ang usa sa mga magasin, bahin sa ‘Ang Bagang Lasang sa Amazon’ (Marso 22, 1997). Nagsugod ako pagbasa niini ug dili ikahiklin ang magasin hangtod nga bug-os ug mainampingon ko kining nabasa.

“Akong nakaplagan ang materyal diha sa Pagmata! nga makaiikag ug matulon-anon kaayo. Ang pagkadaiya sa mga ulohan nakalingaw usab kanako. Ang giapresyar ko ilabina mao ang makataronganon kaayo ug timbang nga paghisgot sa nagkalainlaing mga artikulo.”

Kining unang higayong magbabasa sa Pagmata! midugang: “Kamo nagahimog maayong pag-alagad sa katawhan pinaagi sa pagdala sa maong bililhong impormasyon ngadto sa ilang mga pultahan.”

Ikaw usab makabaton ug kaayohan gikan sa pagbasa sa Pagmata! Kon buot nimong makadawat ug laing kopya o buot nga adunay moduaw kanimo sa imong balay sa paghisgot sa Bibliya uban kanimo, pagsulat sa Watch Tower, P.O. Box 2044, 1060 Manila, o sa nahiangayng adres sa panid 5.