“Usa ka Kalibotan nga Nagpuyo Diha sa Pakigdait ug Panag-uyonay”

Nagtuo ka ba gayod nga mahitabo kini? Usa ka babaye sa Florida, T.B.A., misulat: “Ang inyong tract Nga Maghigugmaay Pa Kaha ang Tanang Tawo sa Usag Usa? maoy usa sa labing puwersadong mga mensahe sa paglaom nga akong nabasa sukad. Gibalikbalik ko kini pagbasa. Malipay ako matag panahon nga akong basahon kini​—sa mahigugmaong ideya bahin sa usa ka kalibotan nga nagpuyo diha sa pakigdait ug panag-uyonay.”

Kon ikaw usab buot nga modawat ug pamatuod nga ang usa ka kalibotan sa mga tawo makahimo ug makapuyo diha sa pakigdait ug panag-uyonay, palihog ug sulat sa Watch Tower, P.O. Box 2044, 1060 Manila, o sa nahiangayng adres sa panid 5. Ipadala kanimo ang usa ka kopya sa 32-panid nga brosyur nga Tinuod Bang May Pagtagad ang Diyos Kanato? Kami nagtuo nga ang bahin 10 nga, “Ang Kahibulongang Bag-ong Kalibotan nga Hinimo sa Diyos,” magpainit sa imong kasingkasing.