1914—Sinugdanan sa Ika-20ng Siglo?

“Ang ika-19ng siglo—nga gihubit ingong usa ka hugpong sa mga tinuohan, pagdahom, tinamdan ug moralidad—wala matapos sa Ene. 1, 1901,” misulat ang kolumnistang si Charley Reese. “Kini natapos sa 1914. Mao usab kana ang panahon sa dihang ang ika-20ng siglo, nga gihubit sa samang paagi, misugod.”

Si Reese misaysay: “Halos ang tanang panagbangi nga gikabalak-an nato sa tibuok natong kinabuhi nagsumikad sa maong [unang] gubat [sa kalibotan]. . . . Gidaot niini ang ika-19ng siglong pagkamalaomon ug mimugnag ika-20ng siglong mga bersiyon sa hedonismo, pagkamatahapon, kabalaka, kawalay-kasegurohan ug nihilismo.”

Tin-aw, ang 1914 maoy usa ka hinungdanong petsa sa kasaysayan. Ang 32-panid nga brosyur nga Unsa ang Katuyoan sa Kinabuhi? Sa Unsang Paagi Makaplagan Nimo Kini? naghisgot niini mismong butanga. Makadawat ka ug brosyur pinaagig pagpil-ap ug pagpadala sa kaubang kupon sa adres nga gipakita sa kupon, o sa nahiangayng adres nga nalista sa panid 5 niining magasina.

□ Padalhi ako ug usa ka kopya sa brosyur nga Unsa ang Katuyoan sa Kinabuhi? Sa Unsang Paagi Makaplagan Nimo Kini?

□ Palihog kontaka ako mahitungod sa usa ka libreng pagtuon sa Bibliya sa balay.