“May Usa Gayod nga Naglungtad Diha sa Dili-Makitang Kalibotan”
Usa ka 13-anyos nga babaye sa New Mexico, T.B.A., misulat: “Sa dihang gihisgotan ang ebolusyon panahon sa among klase sa siyensiya, maisogon nakong gipahayag ang daghang ebidensiya nga aduna gayoy usa ka Maglalalang. Gidalhan nakog usa ka kopya sa librong Is There a Creator Who Cares About You? ang akong magtutudlo sa siyensiya ug gihangyo siya nga basahon kana, nga nagpatin-aw nga nakatabang kana kanako. Maluloton siyang nagpasalamat kanako ug gidawat ang libro.
“Mga duha ka semana sa ulahi, miduol siya kanako ug miingon nga nabasa na niya ang libro ug mibati siya nga kadto maoy usa sa maayo kaayong pagkasulat nga libro nga iyang nabasa sukad.
“Wala madugay human niadto, usa sa mga estudyante ang naghikog, usa ka maanyag nga 15-anyos nga babaye. Daghang estudyante ang naghilak ug naguol kaayo sa dihang misulod sila sa klase sa siyensiya. Sa akong katingala, gipatungha sa magtutudlo ang ulohan bahin sa kamatayon sa babaye aron hisgotan sa klase. Misugod siya pinaagi sa pag-ingon: ‘Nasayod ba kamo kon unsay nakatabang kanako sa pagsagubang niining maong kamatayon?’ Dayon miingon siya nga ang nakatabang kaniya mao ang akong gihimo alang kaniya. Siya miingon: ‘Gihatagan niya ako niining gamayng libro nga nag-ulohang Is There a Creator Who Cares About You? Nakatabang kini kanako nga masayran nga may usa gayod nga naglungtad diha sa dili-makitang kalibotan kinsa nahingawa kanato ug nga bisag walay laing mamati kanato, siya nagapamati!’ Ang mga estudyante daw mikalma ug nahupayan tungod sa iyang gisulti.”
Nahibulong ka ba sukad kon kaha adunay lig-ong siyentipikanhong ebidensiya nga nagpaila sa paglungtad sa usa ka Maglalalang? Ug kon naglungtad siya, aduna bay katarongan sa pagtuo nga siya nahingawa kanato? Gidapit ka namo sa pagbasa niining maanindot nga 192-panid nga libro.
Mahimo nimong pil-apan kini nga kupon ug ipadala kini sa adres nga gihatag o sa nahiangayng adres nga gilista sa panid 5 niining magasina.
□ Interesado akong makadawat ug usa ka kopya sa libro nga Is There a Creator Who Cares About You?
□ Palihog kontaka ako mahitungod sa usa ka libreng pagtuon sa Bibliya sa balay.
[Picture Credit Line sa panid 32]
J. Hester and P. Scowen (AZ State Univ.), NASA