Usa ka Dinayeg Kaayo nga Teksbok Para sa mga Batan-on
ANG prinsipal sa Tigoni Academy for Girls sa Limuru, Kenya, misulat sa sangang buhatan sa mga Saksi ni Jehova nianang nasora nga naghangyo nga padad-an ug mga kopya sa librong Mga Pangutanang Gisukna sa mga Batan-on—Mga Tubag nga Mosaler. Siya miingon: “Abi ninyo, dili sayon ang pagdumala sa mga tin-edyer. Aduna kamiy duha ka kopya sa inyong libro, nga mapuslanon kaayo sa mga magtutudlo ug mga estudyante. Kini adunay igong impormasyon ug mohaom sa among mga panginahanglan ug nianang sa among mga tin-edyer.”
Dayon miingon ang prinsipal: “Ang administrasyon [sa eskuylahan] buot mogamit niining mapuslanong libro sa pagtudlo sa among mga estudyanteng babaye. Ganahan kaayo sila sa maong libro. Mouyon kaayo ang mga ginikanan bahin sa tanang paningkamot nga himoon aron matabangan ang ilang mga anak. Sa pagkakaron, nagtuo mi nga paigo na ang 25 ka kopya sa maong libro.”
Ang librong Gisukna sa mga Batan-on bug-os nga nagsusi sa mga hunahuna ug mga pagbati sa mga batan-on. Kini nagtukbil ug mapuslanong panaghisgot sa mga ulohang sama sa: “Unsay Akong Mahimo Aron ang Akong mga Ginikanan Mohatag Kanakog Dugang Kagawasan?,” “Angay Bang Mobiya Ako sa Balay?,” “Sa Unsang Paagi Makabaton Akog Tinuod nga mga Higala?,” “Unsang Karera ang Akong Pagapilion?,” “Unsay Ikasulti Bahin sa Sekso sa Dili pa Magminyo?,” ug “Unsaon Nako Pagkaila Kon Kini Tinuod nga Gugma?”
Kini maoy pipila lamang sa mga ulohan sa kapitulo. Diha sa 39 niini ka kapitulo, gihisgotan usab sa libro ang daghang uban pang mga ulohan. Aron makadawat ug kopya, pil-api ang nagauban nga kupon ug ipadala kana ngadto sa adres nga gipakita diha sa kupon o sa nahiangayng adres nga gilista sa panid 5 niining magasina.
□ Interesado akong makadawat ug kopya sa librong Mga Pangutanang Gisukna sa mga Batan-on—Mga Tubag nga Mosaler.
□ Palihog kontaka ako mahitungod sa usa ka libreng pagtuon sa Bibliya sa balay.