“Salamat sa Pagpaila Kanako sa Amahan sa Gugma”

● Usa ka 19-anyos nga babaye sa habagatang United States ang misulat: “Ako nagdako sa pamilya nga hinimba ug akong giisip si Kristo ingong akong Manluluwas. Apan, sulod sa daghang katuigan mahadlok kong maghunahuna sa silot sa Diyos, ang pagsunog sa mga daotan diha sa makalilisang nga impiyerno. Dayon akong nabasa ang inyong librong Unsay Tinuod nga Gitudlo sa Bibliya?

“Human makabasag pipila ka kapitulo, mibati na kog kalinaw sa hunahuna. Mora kog naibtag tunok. Karon akong nakita nga si Jehova maoy mahigugmaon, maluloton, ug maluluy-ong Diyos. Buot niya nga makabaton ko ug suod nga relasyon kaniya nga dili tinukmod sa kalisang. Nagplano kong moadto sa Kingdom Hall sa mga Saksi ni Jehova karong Dominggo! Naghinamhinam na gyod ko. Salamat sa pagpaila kanako sa Amahan sa gugma nga wala maglalang ug impiyernong kalayo.”

Ang librong Gitudlo sa Bibliya naghisgot usab sa ubang hinungdanong mga ulohan. Lakip niini ang bahin sa kahimtang sa mga patay, paglaom sa pagkabanhaw, pagpauswag sa kinabuhi sa pamilya, kamatuoran bahin sa Diyos ug kang Jesu-Kristo, ug kon nganong gitugotan sa Diyos ang pag-antos. Makahangyo kag kopya sa maong libro pinaagi sa pagpil-ap sa kupon sa ubos ug sa pagpadala niana sa adres nga makita sa kupon o sa nahiangayng adres nga nalista sa panid 5 niining magasina.

□ Interesado akong makadawat ug kopya sa librong gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.