Ang Bibliya Nahibalo Ka ba sa Mensahe Niini?

● Ang Bibliya mao ang labing kaylap napanagtag nga libro sa tibuok kasaysayan. Nakaplagan sa mga tawo sa tanang kultura nga ang mensahe niini maoy tuboran sa kahupayan ug paglaom ug ang tambag niini praktikal sa adlaw-adlawng pagkinabuhi. Bisan pa niana, daghan ang walay hibangkaagan niining talagsaong basahon.

Ang mubo, daghag-hulagway nga brosyur nga Ang Bibliya—Unsay Mensahe Niini? makatabang kanimo sa pagsabot sa Bibliya. Ang unang duha ka seksiyon naghubit sa paraiso nga gitagana sa Diyos sa sinugdan alang sa tawo ug kon sa unsang paagi kini nawala. Makat-onan usab nato ang katuyoan sa Maglalalang nga ipasig-uli ang Paraiso pinaagi sa Gingharian sa Diyos, usa ka langitnong kagamhanan nga si Jesu-Kristo ang hari.

Ang nagsunod nga mga seksiyon naghisgot kang Jesus—iyang ministeryo, mga milagro, kamatayon, ug pagkabanhaw. Gihisgotan usab ang maisogong mga sumusunod ni Jesus ug ang ilang inspiradong mga sinulat, nga nahimong bahin sa Bibliya.

Haom nga ang 26 ka seksiyon niini nga brosyur matapos sa maanindot nga tema, “Ang Paraiso Napasig-uli!” Ang sunod nga panid niini may ulohang “Ang Mensahe sa Bibliya—Sumaryo.” Imong makita niana ang sumaryo sa pito ka hinungdanong kaugmaran sa katumanan sa katuyoan sa Diyos alang sa katawhan.

Makahangyo kag kopya niining 32-panid nga brosyur pinaagi sa pagpil-ap sa kupon sa ubos ug sa pagpadala niana sa adres nga makita sa kupon o sa nahiangayng adres nga makita sa panid 5 niining magasina.

□ Interesado akong makadawat ug kopya sa brosyur nga gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.