Pagbisita sa Brazil

ANG unang mga molupyo sa Brazil maoy mga mangangayam ug mag-uuma. Nadala didto sa Portuges nga mga eksplorador ang ilang relihiyong Romano Katoliko, ug tungod niini natukod ang daghang simbahan ug kapilya nga ang uban giadornohan ug nindot pagkalilok nga kahoy nga tinaklapan ug bulawan.

Gikan sa tunga-tunga sa ika-16 nga siglo ngadto sa tunga-tunga sa ika-19 nga siglo, ang mga barko nakadala sa Brazil ug mga upat ka milyong ulipon nga Aprikano sa pagtrabaho sa kaumahan. Ilang nadala ang ilang mga rituwal, nga nahimong Aprikano-Brazilianong mga relihiyon sama sa macumba ug sektang candomblé. Ang Aprikanhong impluwensiya sa Brazil makita usab diha sa musika, sayaw, ug pagkaon.

Ang tradisyonal nga sud-an nga feijoada, nga potahe sa Portuges, maoy linat-ang black beans nga sinagolag lainlaing karne nga idalit uban sa kan-on ug ginisa nga collard green (morag dahon sa repolyo). Sa ika-19 ug ika-20 nga siglo, minilyon gikan sa Europe (kadaghanan gikan sa Germany, Italy, Poland, ug Spain), Japan, ug sa ubang lugar namalhin niining nasora.

Karon dunay mga 750,000 ka Saksi ni Jehova diha sa kapin sa 11,000 ka kongregasyon sa tibuok Brazil. Sila nagdumalag kapin sa 800,000 ka pagtuon sa Bibliya. Aron dunay katigoman, 31 ka grupo sa mga boluntaryo nagtrabaho uban sa lokal nga mga Saksi sa pagtukod ug pag-ayo sa mga 250 ngadto sa 300 ka Kingdom Hall matag tuig. Gikan niadtong Marso 2000, 3,647 niini nga mga proyekto ang natapos.