Sulod sa Hapin

ANG MODERNONG KALIBOTAN adunay daghan kaayong problema. Ang mga kaminyoon nagakabungkag. Kaylap ang kapintasan sa pamilya. Gatosan ka minilyon ang gigutom. Nagakaylap ang krimen. Ang pakigdait ug kasegurohan maikyason. Nganong ingon niini ang kalibotan? Aduna bay mga sulbad? Ang Bibliya wala lamang magtanyag ug mga tubag niining mga pangutanaha kondili nagatagana usab kini ug paggiya sa matag adlawng pagkinabuhi. Nan, dili ba kita angayng mahimong interesado kon unsay ginaingon sa Bibliya?

Ang pipila ka tawo nagtuo nga ang Bibliya maoy usa lamang ka koleksiyon sa mga sugilambong, mga leyenda, ug kasugiran. Apan, ang uban nagtuo nga ang Bibliya maoy dinasig nga Pulong sa Diyos. Unsang panghunahuna ang husto? Kining basahona, Ang Bibliya—Pulong sa Diyos o sa Tawo?, motabang kanimo sa pagtubag nianang pangutanaha. Gidapit ka namo nga tagdon ang mga kamatuoran sa imong kaugalingon. Ang pagbuhat niana mahimong mag-usab sa imong kinabuhi sa walay kataposan.