Hapin sa Likod

ANG PAMILYA mao ang kinakaraanang institusyon nga nailhan sa tawo, apan karong adlawa kini may grabeng problema. Ang makalilisang nga pagkaylap sa pag-abuso sa droga ug imoralidad sa mga tin-edyer, ang modernong hampak sa diborsiyo ug kapintasan sa pamilya, ang kusog nga pag-uswag sa gidaghanon sa usag-ginikanang mga pamilya, ug ubang grabeng mga problema nagpahibulong sa pipila kon makalahutay ba ang pamilyahanong kinabuhi.

Posible pa ba alang sa usa ka pamilya nga mahimong malig-on, nagaamoma nga palibot alang sa mga membro niini? Oo, kon ang mga membro sa pamilya nahibalo sa tinuod nga sekreto sa kalipay sa pamilya. Kini nga sekreto wala itago. Kini gipadapat na ug napamatud-ang malamposon latas sa daghang kasiglohan. Unsa kini? Kining libroha, Ang Sekreto sa Kalipay sa Pamilya, mohatag sa tubag. Naghatag usab kini ug mapuslanong mga pananglitan kon sa unsang paagi kini nga “sekreto” makatabang sa pagsulbad sa daghang malisod sulbarong mga kahimtang sa pamilya. May si bisan kinsa ba karong adlawa nga wala magkinahanglan niana nga impormasyon?