Hapin sa Sulod

Minahal nga Magbabasa:

Ang maalamong Haring Solomon misulat: “Pagmaya, batan-ong lalaki [o babaye], sa imong pagkabatan-on, ug tugoti ang imong kasingkasing nga magalipay kanimo sa mga adlaw sa imong pagkabatan-on, ug lakaw sa mga dalan sa imong kasingkasing ug sa mga butang nga makita sa imong mga mata.” (Ecclesiastes 11:9) Kon bata ka pa, ang kinabuhi makaikag kaayo ug kulbahinam, ug buot namo nga malipay ka sa imong kinabuhi. Apan, among gidasig ka nga magkinabuhi sa paagi nga makapahimuot kang Jehova nga Diyos. Ayaw kalimot nga siya makakita sa imong ginahimo ug hukman ka sumala niana. Nan, maayong imong sundon ang dugang tambag ni Solomon: “Hinumdomi, karon, ang imong Dakong Maglalalang sa mga adlaw sa imong pagkabatan-on.”​—Ecclesiastes 12:1.

Nanghinaot gayod kami nga ang impormasyon niining libroha makatabang kanimo sa pagsagubang sa mga problema ug mga tentasyon nga ginaatubang sa mga batan-on karon ug makatabang kanimo kon unsaon paghimog mga desisyon nga nahiuyon sa kabubut-on sa Diyos. Sa ingon, makapalipay ka sa kasingkasing ni Jehova.​—Proverbio 27:11.

Nagamandong Lawas sa mga Saksi ni Jehova