Arka ni Noe

Wala madugay, nanaghan ang tawo sa yuta. Kadaghanan nila daotan. Naa gani mga anghel sa langit nga nahimo pong daotan. Gibiyaan nila ang langit ug nanaog sa yuta. Kabalo ka ngano? Gusto nilang mahimong parehas sa tawo ug magminyog mga babaye.

Ang mga anghel ug mga babaye may mga anak. Ang ilang mga anak nanagko nga kusgan kaayo. Gidaogdaog ug gipasakitan nila ang mga tawo. Dili gusto ni Jehova nga mao na ang mahitabo. Nakadesisyon siya nga laglagon ang mga daotan pinaagig lunop.

Pero naay tawo nga lahi nilang tanan. Gihigugma niya si Jehova. Siya si Noe. Naa siyay asawa ug tulo ka anak—si Sem, Ham, ug Japet. Silang tanan naay asawa. Gisugo ni Jehova si Noe nga maghimo ug dakong arka aron siya ug ang iyang pamilya dili malaglag sa Lunop. Ang arka usa ka dakong kahon nga molutaw sa tubig. Giingnan sab ni Jehova si Noe nga magdala ug daghang hayop sa sulod sa arka para dili pod mamatay.

Naghimo dayon si Noe ug arka. Mga 50 ka tuig kining gihimo ni Noe ug sa iyang pamilya. Gihimo nila ang arka nga pareho gyod sa giingon ni Jehova. Gipasidan-an pod ni Noe ang mga tawo nga moabot ang Lunop. Pero walay naminaw niya.

Dayon misulod sila sa arka. Unsa kahay sunod nga nahitabo?