BERACA

[Pagdayeg].

1. Usa sa mga tawong gamhanan nga batid sa paggamit sa busogan, gikan sa tribo ni Benjamin, kinsa miduyog kang David didto sa Ziklag. Kini maoy sa panahong si David dili pa libreng makalihok tungod kang Saul.​—1Cr 12:1-3.

2. Usa ka ubos nga patag sa Juda nga nahimutang tali sa Betlehem ug Hebron. Sa pagkakaron gituohan kini nga mao ang Wadi el-ʽArrub, ug ang duol nga Khirbet Bereikut (Berakhot) daw mao ang nagpreserbar sa orihinal nga ngalan. Kini nga walog mitadlas sa S-K, nga nagdugtong sa kabungtoran sa Juda ug sa dapit sa kamingawan sa K sa Dagat sa Asin.

Human sa milagrosong kadaogan batok sa magkaabing kasundalohan sa Ammon, Moab, ug Edom, gitigom ni Jehosapat ang katawhan niining ubos nga patag aron dayegon si Jehova, busa kini ginganlan nga Ubos nga Patag sa Beraca (nagkahulogang “Pagdayeg”).​—2Cr 20:26.