GUDGODA

Usa ka kampo sa mga Israelinhon didto sa kamingawan; lagmit mao ra ang Hor-hagidgad. (Deu 10:​6, 7; itandi ang Num 33:33.) Sanglit nagtuo nga ang ngalang “Gudgoda” napreserbar diha sa ngalan sa Wadi Khadakhid, ang pipila nagsugyot nga kining dapita lagmit nahimutang sa Wadi Khadakhid, mga 65 km (40 mi) sa AAK sa Gulpo sa ʽAqaba. Apan kini gikuwestiyon, sanglit ang Hebreohanong mga konsonante sa Gudgoda dili gayod motumbas nianang sa Khadakhid. Mahitungod sa pagkasunodsunod sa mga dapit nga gikampohan sa Israel ingon sa pagtala sa Numeros ug Deuteronomio, tan-awa ang BENE-JAAKAN.