LUHIT

[gikan sa lintunganayng pulong nga nagkahulogang “papan; tabla”].

Usa ka dapit nga gihisgotan sa mga tagna sa kalaglagan batok sa Moab. (Isa 15:​1, 5; Jer 48:5) Ang pipila ka eskolar nagtuo nga ang Luhit mao ang siyudad sa Moab nga nahimutang sa tumoy sa tungasanan. Kay gituohan ni Eusebius ug Jerome nga kini mao ang dapit nga gitawag ug Loueitha, ang Luhit gilangkit sa Rujm Madinat er Ras, mga 20 km (12 mi) sa HK sa Karak, o kaha sa duol nga Khirbet Fas. Ang laing pagtuo mao nga ang Luhit maoy dili usa ka siyudad kondili maoy ngalan lamang sa usa ka tungasanan o bakilid nga gigamit sa nangalagiw ug nagdanguyngoy nga mga kagiw sa Moab.​—Itandi ang Num 34:4.