MALCAM

[Ilang Hari].

1. Usa ka Benjaminhon ug anak nga lalaki ni Saharaim pinaagi sa iyang asawa nga si Hodes.​—1Cr 8:​1, 8, 9.

2. Ang pangunang idolong diyos sa mga Ammonhanon. (2Sa 12:30; 1Cr 20:​1, 2; Jer 49:​1, 3) Lagmit nga mao ra si Milcom, Molek, ug Molok. (1Ha 11:​5, 7; Buh 7:43) Ang ngalang Malcam diha sa Masoretikong teksto nalahi sa Milcom, ang “dulumtanang butang sa mga Ammonhanon,” diha lamang sa marka para sa bokales sa Hebreohanong pinulongan. (1Ha 11:5) Sukwahi sa instruksiyon nga gihatag sa Josue 23:​7, ang mga Hudiyo naghimog mga panumpa sa ngalan ni Malcam. (Sof 1:5) Kinahanglang tinoon gikan sa konteksto kon kanus-a ang maong Hebreohanong pulong pagahubaron ingong ngalan sa diyos ug kon kanus-a ingong “ilang hari.”​—Am 1:15; tan-awa ang MOLEK.