NERGAL-SAREZER

[gikan sa Akadianhon, nga nagkahulogang “Hinaot Panalipdan ni Nergal ang Hari”].

1. Usa ka prinsipe nga Babilonyanhon sa panahon ni Nabucodonosor.​—Jer 39:3.

2. Laing bantogan nga prinsipe sa kasundalohan ni Nabucodonosor sa dihang gipukan ang Jerusalem; siya gipalahi sa Num. 1 pinaagi sa gidugang nga titulong Rabmag. Kini nga Rabmag ang mitabang nga mabuhian si Jeremias.​—Jer 39:​3, 13, 14.

Tungod kay kining ngalana amgid kaayo sa ngalan nga makaplagan diha sa Babilonyanhong mga inskripsiyon (Nergal-shar-usur), ang pipila ka eskolar nagtuo nga kini nga prinsipe mao si Neriglissar (pormang Grego), nga gituohang mao ang manununod ni Haring Evil-merodak (Awil-Marduk).​—Ancient Near Eastern Texts, giedit ni J. Pritchard, 1974, p. 308.