MAGTITINAG-PANIT

Usa ka tawo nga hanas sa pagtinag panit, aron ang mga panit sa hayop magamit sa paghimog lainlaing matang sa mga butang. (2Ha 1:8; Mat 3:4) Walay duhaduha nga ang paagi sa pagtinag panit kaniadto sama ra usab sa paagi sa pagtinag panit nga gihimo sa dili pa dugay didto sa Tungang Sidlakan, nga mao, diha sa usa o duha ka lawak nga tinaanan ug panit, diin gibutang ang mga kagamitan ug mga pasong sa pag-andam sa mga panit. Ang pangunang paagi sa pag-andam sa panit naglakip sa (1) pagpahumok aron daling matangtang ang mga balhibo, nga sagad pinaagig likidong gama sa apog; (2) pagtangtang sa mga balhibo, mga tipiktipik sa unod, ug sa tambok nga mipilit sa panit; ug (3) pagtina sa panit pinaagig likido nga gama gikan sa panit sa sumac o sa robles, o gikan sa ubang matang sa mga tanom.

Si Pedro migugol ug “ubay-ubayng mga adlaw . . . sa Jope uban sa usa ka tawong ginganlag Simon, nga usa ka magtitinag-panit,” kansang balay nahimutang sa daplin sa dagat.​—Buh 9:43; 10:32.