“Ang Labing Maayong Basahon sa Siyensiya nga Sukad Akong Nabasa”

Kana ang opinyon sa usa ka kanhi ebolusyonista bahin sa makalingawng basahong Life​—How Did It Get Here? By Evolution or by Creation? Siya misulat:

“Ingon nga kanhi estudyante sa siyensiya, ako nahiugnok sa katin-aw ug gahom niining bag-ong basahon. Ako nahinam sa kahibulongan kaayong mga pagbatbat sa uniberso, sa mga galaksiya, ug sa tanang makutihong mga detalye nga nagapaposible sa kinabuhi sa planetang Yuta. Ako natingala ug nalipay sa daghan kaayong makapatandog-sa-kasingkasing nga impormasyon bahin sa kahayopan ug sa kinaiyanhong kaalam nga anaa sa atong palibot. Ug ako napaubos tungod sa mga pagbatbat sa utok sa tawo ug sa labihan ka daghang talagsaong kahimoan niini.

“Bisan pag kining basahona wala makatabang sa usa ka tawo sa pagsulbad sa isyu sa ebolusyon batok sa paglalang, sa akong hunahuna kini mao ang labing maayong basahon sa siyensiya nga sukad akong nabasa alang sa pag-ugmad sa pagpabili sa kinabuhi ug sa mga kakuti sa buhing mga butang. Kini komplikado sa siyentipikanhong paagi, apan sa lebel nga mapabilhan ni bisan kinsa.”

Ikaw makadawat niining matahom ug mga ilustrasyong 256-panid nga basahon pinaagi sa pagsulat ug pagpadala sa nagaubang kupon uban ang ₱35 lamang.

Palihog ipadala, nga binayran nang prangkiyo, ang basahong Life​—How Did It Get Here? By Evolution or by Creation? Akong gisukip ang ₱35.