“Matinud-anon sa Iyang Relihiyon”

Samtang ang mga departamento sa kagamhanan matinabangon kaayo sa proyekto sa patukod sa Watchtower Society sa Nigeria, ang pila ka mga peryodiko ug mga lider sa relihiyon misulay sa paggubot sa mga Saksi ni Jehova bahin sa isyu sa neyutralidad. Apan, ang ubang mga reporter sa peryodiko, mihatag ug komendasyon. Ang usa ka magsusulat, nga abogado, nangutana kon ang mga Saksi ni Jehova ba “nagpakita nga dili gayod makinasodnon.” Mitubag sa iyang kaugalingon, siya miingon: “Ang mga Saksi nagabayad sa buhis ug masinundanon sa balaod nga mga lungsoranon. Ang bisan kinsa . . . nga Saksi nga matinud-anon sa iyang relihiyon hangtod sa punto sa pagsunod niini bisan pa sa kapeligrohang mawad-an ug pila ka mga pribilehiyo matinud-anon usab sa kadaghanang mga butang . . . Ang katarongan sa iyang pagdumili sa pagpangawat ug salapi sa kagamhanan samtang ang iyang kaubanan . . . nanag-awit sa nasodnong awit apan nagapangawkaw ug salapi tungod kay ang iyang Bibliya nga nagsugo kaniya sa dili pag-awit sa nasodnong awit nagsugo usab kaniya sa dili pagpangawat.”