Kini Nagaabot sa Kasingkasing

Usa ka inahan gikan sa Virginia, T.B.A. misulat: “Kami dunay singko-anyos nga anak, si Keith. Niining yugtoa sa iyang linghod nga kinabuhi, siya dili kaayo relihiyosog hunahuna. Dili buot ingnon nga siya dili buotang bata. Siya mahigugmaon kaayo ug maluluton ug nagapatalinghog sa iyang tanlag. Apan kasagaran maglikay siya sa mga pagsulay sa mga paghisgot sa Bibliya o mobali dayon sa laing topiko. Busa nag-ampo kami alang sa pailob ug nangitag mga paagi sa pagpasilsil sa espirituwal nga mga kamatuoran diha sa iyang linghod nga kasingkasing.

“Ang bata karon nakaugmad ug mahinamong kaikag sa mga estorya. Misulod ang librong Bible Stories ug sunod ang mga teyp. Gihatagan siya sa iyang apohang babaye ug cassette player. Among gitudloan siya sa paggamit niini. Karon daghang oras sa tagsa ka higayon, nga siya magdalag libro sa kamot, nagsunod niini uban sa mga teyp.

“Ang panahon sa pagkatulog dinhi sa naandan maoy panahon sa estorya. Karong gabhiona miingon ako nga gikapoy kaayo ako, apan tingali gusto siya nga estoryahan ko siya. Mihangyo ako ug estorya sa Bibliya. Handurawa lang ang akong kalipay sa dihang misugod siya sa pagsulti kanako bahin kang Job, dayon kang David, ug Goliat, kang Ruth ug Noemi. Sa dihang miabot kami sa bahin nga midangat si Ruth sa paghigugma kang Jehova, siya miagik-ik ug miingon, ‘Kana ang akong gustong bahin!’

“Dugang panalangin miabot sa dihang naamgohan ko nga iyang gisundog usab ang paningog, pamunto, ug nagpraktis ug mas maayong paglitok! Ug iyang gikutlo ang mga estorya pulong por pulong! Salamat kaninyo, salamat kaninyo, salamat kaninyo!”

Sa pagkamatuod, ang bata daghag mahinumdoman kay sa imong mahunahuna kon siya may kaikag. Nakita sa daghang pamilya nga ang My Book of Bible Stories, uban sa rekording sa libro diha sa cassette tapes, nga mao gayoy gikinahanglan aron sa pagpukaw sa maong interes. Imong madawat ang cassette tapes o ang tomo sa My Book of Bible Stories, o ang duha, pinaagi sa pagsulat ug sa pagbuson sa nagaubang kupon.

Tsekahi ang usa o duha sa mosunod, ug ipadala ang eksaktong amot:

[] Palihog ipadala, binayran na ang prangkiyo, ang kapeg-kolor vinyl album uban ang upat ka cassette tapes sa My Book of Bible Stories. Gisukip ko ang ₱120. Gawas sa Pilipinas, pagsulat sa lokal nga sangang buhatan sa Watch Tower alang sa prisyo.)

[] Palihog padalhi ako sa ilustradong 256-panid nga My Book of Bible Stories, nga alang niini gisukip ko ang ₱42.