“Paglaom sa Usa ka Mas Maayong Kalibotan”
Samtang nagduaw sa Montreal niadtong Hulyo 1985, ditinuyong nabilin ni Gilles Le Sieur ang iyang briefcase sa subway tren. Sa adlaw sa iyang pagkauli sa balay, mga 260 kilometros gikan sa Montreal, nadawat niya ang usa ka tawag sa telepono gikan sa usa ka dalaga nga nakakita sa briefcase. Si Gilles ug iyang asawa mibalik sa Montreal aron kuhaon kana. Sa dihang ilang nakuha kana, gihatag nila ang usa ka kopya sa librong You Can Live Forever in Paradise on Earth ngadto sa dalaga. Duha ka semana sa ulahi, nakadawat silag usa ka sulat-pasalamat gikan kaniya, nga nagaingon sa bahin:
“Wala ako masayod kon kinsa kanato ang nakahatag ug labawng pag-alagad sa lain sa miaging semana. Bisan pag wala ko dahoma ang balos, nakadayeg ako sa utang-kabubut-on nga gipakita ninyo kanako. Gipasalamatan ko ilabina ang kamatuorang buot ninyong ipaambit kanako ang tinubdan sa inyong kalipay. . . . Natapos na nako pagbasa ang librong inyong gihatag kanako, ug sa panahon sa inyong pagbasa ning sulata, usa sa akong mga higala magabasa niini. Husto kamo bahin sa mga kaayohan nga ihatag niining libroha. Dili lamang kini mihatag kanako sa paglaom sa mas maayong kalibotan apan kini nagtubag sa daghang pangutana nga wala gayod matubag sa akong relihiyon. . . . Ginapadayon ko karon ang pagbasa sa Bibliya uban sa tinguha nga magkinabuhi sa mas maayong kinabuhi.”
Kining dalagaha nagpadayon sa iyang pagtuon sa Bibliya ug, sa wala madugay, nahimong usa ka bug-os-panahong ministro sa maayong mga butang iyang nakat-onan. Ang Ikaw Mabuhing Walay Kataposan sa Paraiso sa Yuta nahimong galamiton sa pagbag-o sa mga kinabuhi sa daghang tawo sa pagkamaayo. Ang libro, nga ang gidak-on sa panid sama sa iya ning magasina, nagahisgot sa halos tanang pagtulon-an sa Bibliya ug nasudlan sa kapig 150 ka ilustrasyong matulon-anon. Aron madawat kining bililhong basahon, sa yano pel-api ug ipadala ang nagaubang kupon.
Palihog ipadala, nga binayran nang prangkiyo, ang 256-panid, gahig-hapin nga librong Ikaw Mabuhing Walay Kataposan sa Paraiso sa Yuta. Gisukip ko ang ₱42.00.