“Mga Basahon sa mga Saksi ni Jehova Angay Basahon”

Kini ang ulohan sa usa ka artikulong mipatim-aw sa Disyembre 23, 1988, sa Creston News Advertiser, sa Iowa, U.S.A. “Maikag ako sa pilosopiya ug sa relihiyon,” miingon ang manunulat nga si Randy Porter, “apan ang mga basahon duna say semi-sekular nga mga estorya mahitungod sa katingad-anang nagkadaiyang isyu sa kalibotan. . . .

“Dugang pa, ang pipila tingali matingala nga masayod nga ang mga magasin kasagaran nagakutlo sa laing kasaligang mga tinubdan, gawas pa sa Bibliya. . . .

“Lain pay ato, ang Enero [22] nga edisyon naglakip usab sa mubong estorya ug dekolor nga letrato sa bato sa estado sa Iowa, ang geode. Ang artikulo nag-ingon nga ang mga tawo maoy samag geodes. Inay nga yanog hitsura sa gawas, kon buksan ang geodes mopadayag sa magilawon, samag kristal sulod nga katahom. Ang usa ka tawo, usab, tingali yanog panagway sa gawas, ug hilom ug maulawon pa; bisan pa niana, kon ang usa ka tawo mohatag ‘ug panahon sa pagsinati, sila magpadayganon ug mopadayag kanimo sa sulod nga katahom nga modan-ag.’ . . .

“Ang Enero [22] nga isyu naundan sa daghang laing artikulo nga lagmit dili makaabot sa akong talad, usab! Pananglitan, ang kadaghanang tawo nakadungog bahin sa Aprikanhong pumapatay nga mga putyukan, apan ang usa ka artikulo nagsugid nga ang mga entomologists nagataod ug elektronik nga kasangkapan sa mga putyukan. Nga gidesinyo sa Amerikanong mga enhenyero, ang usa ka microprocessor nga kasangkapan nga gamay nga igo nga itaod sa bukobuko sa usa ka putyukan makapaarang sa mga siyentipiko sa pagsubay sa kalihokan sa mga putyukan gikan sa usa ngadto sa duha ka kilometros.”

Ang Pagmata! may mga koresponsal sa kawhakawhaang nasod sa tibuok kalibotan ug busa may mga tinubdan sa balita nga daghan ang dili makakuha. Gibati namo nga ikaw makapahimulos ug magkalipay sa makalingawng mga artikulo sa Pagmata! Kini may aberids nga imprenta nga 11,250,000 ka kopya matag isyu ug gipatik sa 53 ka pinulongan.

Palihog ipadala ang usa ka tuig nga suskrisyon sa Pagmata! Gisukip ko ang ₱60 alang sa 24 ka isyu niining magasina (2 ka kopya sa usa ka bulan).