Ikaw ba ang Imong Kaugalingong Idolo?

Wala lamang makaamgo niana, ang ubang mga tawo naghimo sa ilang kaugalingon nga ilang mga idolo. Ang Bibliya nagsaysay diha sa Efeso 5:5: “Kay inyong mapaneguro kini, miila niini sa inyong kaugalingon, nga bisan kinsang tawhana nga makihilawason o mahugaw o tawong dalo—nga sa ato pa tigsimbag mga diyosdiyos—wala gayod siyay mapanunod sa gingharian ni Kristo ug sa Diyos.” (Colosas 3:5; itandi ang Galacia 5:19-21.) Ang unodnong mga pangibog mahimong babag tali sa tawo ug sa Diyos. Si Pablo miingon mahitungod kanila nga ang “ilang diyos mao ang ilang tiyan.” (Filipos 3:18, 19) Sa laing pagkasulti, sila adunay laing “diyos” gawas kang Jehova, ginauna ang ilang kaugalingong unodnong mga pangibog. Ang maong paggawi makasanta sa tawo sa pagsulod sa Gingharian sa Diyos. (1 Corinto 6:9, 10) Busa, adunay maayong katarongan ang pagsunod sa mga pulong ni apostol Pablo: “Busa, mga hinigugma, likayi ninyo ang pagsimba ug mga diyosdiyos.”—1 Corinto 10:14.