Angay ba Nimong Tuohan ang Trinidad?

Si Ian Boyne, ang magsusulat sa relihiyon alang sa The Sunday Gleaner, Jamaica, West Indies, naghisgot sa usa ka bag-ong brosyur nga gipatik sa mga Saksi ni Jehova, nga miingon sa bahin:

“Ang mga Saksi angay sa gradong ‘A’ alang sa maong kasulatan nga, bisan pag yano kaayo nga pagkasulat nga ang usa ka tin-edyer makabasa niini, giadornohan—nga dili hingapin—sa mga pangutlo gikan sa madungganong mga eskolar ug mga reperensiya. . . . Ang basahong Angay ba Nimong Tuohan ang Trinidad? maoy batid nga kahimoan sa mga Saksi ug karon walay Trinitarian—o binatarian—ang libre sa panaglalis. Ang pulyeto nagatigom sa sunodsunod nga kinutlo gikan sa historikal ug teolohikal nga mga reperensiya sa pagpakita nga ang doktrinang Trinidad dili kinuha gikan sa Bibliya. Kini nagakutlo sa awtoritatibong Encyclopedia of Religion nga nagaingon, ‘Ang mga teologo nagauyon nga ang Bag-ong Testamento usab wala maundi sa tin-aw nga doktrina sa Trinidad.’”

Si Boyne miingon usab: “Labing lisod nga kining magsusulat sa relihiyon makasabot sa unsang paagi ang kasarangan—o bisan labaw sa kasarangang membro sa iglesya—makatubag sa puwersado ug makadani sa pagtagad nga mga argumento nga gihikay sa mga Saksi batok sa pagtuo nga si Jesus maoy Diyos.”

Kon buot ninyong makadawat ug kopya sa maong brosyur, palihog pel-api ug ibuson ang nagaubang kupon.

Buot kong makadawat sa 32-panid nga brosyur nga Angay ba Nimong Tuohan ang Trinidad? (Sa gawas sa Pilipinas, pagsulat sa lokal nga sangang buhatan sa Watch Tower alang sa impormasyon. Tan-awa ang panid 2.)

[Picture Credit Lines sa panid 32]

Musée du Louvre, Paris,

Museo Egizio, Turin

Musée de Beaux—Arts de Troyes

Museo Bordini, Florence

Musée du Louvre, Paris,