Sa Unsang Paagi Makasukol Ako sa Pagpiit sa Isigkaingon?
Usa ka sulat gikan sa usa ka polis sa Chicago nag-ilustrar sa bili sa pagkahibalo sa tubag. Siya misulat:
“Sa Enero 15, 1990, gihikay ko ang usa ka 18-anyos nga binilanggo nga gibalik pag-usab ngadto sa Chicago gikan sa Mississippi alang sa usa ka sugo sa pagdakop tungod sa pagpuga. Ang bahin sa paghikay mao ang pagkuha sa tanang butang sa binilanggo. Diha kaniya ang usa ka libro nga Mga Pangutanang Gisukna sa mga Batan-on.
“‘Nabasa ba nimo kining libroha?’ ako nangutana.
“‘Oo,’ siya mitubag, ‘samtang ako nagtago sa Mississippi, ako nagtrabaho sa usa ka uma, ug duha ka mga Saksi ni Jehova ang mihatag kanako niining libroha.’ Unya siya misugod sa paghilak, midangoyngoy nga halos dili-makontrolar. Sa matag dangoyngoy, siya misulti: ‘Nabasa nako kining libroha sa daghang higayon, ug ang kapitulo nga gibalikbalik nakog basa mao “Sa Unsang Paagi Makasukol Ako sa Pagpiit sa Isigkaingon?”’ Siya midugang: ‘Kon nabatonan pa lamang nako kining impormasyona tulo o upat ka tuig nga miagi, wala unta ako dinhi karon.’
“Ang binilanggo gidala, ug gibasa ko ang taho sa polis ug ang gitug-an niya ngadto sa polis. Diha niana siya miingon: ‘Ang lider sa akong gang nagsugo kanako sa pag-adto sa dalan ug sa pagposil sa usa ka membro sa kaatbang nga gang nga namaligyag cocaine sa among teritoryo. Gibuhat ko ang gisugo kanako. Nahadlok ako nga hunahunaon sa ubang mga membro nga ako talawan. Buot ko nga madawat nila.’”
Tingali ikaw nakapangutana usab sa imong kaugalingon sa mga pangutana sama sa: Sa Unsang Paagi Makasukol Ako sa Pagpiit sa Isigkaingon? Angay Bang Moundang Ako sa Pag-eskuyla? Sa Unsang Paagi Ako Makaingong Dili sa Una-Magminyo nga Sekso? Nganong moingong dili sa mga droga? Kini maoy pipila lamang sa mga ulohan nga gihisgotan diha sa Mga Pangutanang Gisukna sa mga Batan-on—Mga Tubag nga Mosaler. Kon ikaw interesado nga makadawat ug usa ka kopya niining maanindot nga pagkailustrar 320-panid nga libro, palihog sa pagsulat ug sa pagbuson sa kupon.
Buot ko nga makadawat sa gahig-hapin nga librong Mga Pangutanang Gisukna sa mga Batan-on—Mga Tubag nga Mosaler. (Pagsulat sa direksiyon sa ubos alang sa impormasyon. Gawas sa Pilipinas, pagsulat sa lokal nga sanga sa Watch Tower alang sa impormasyon. Tan-awa ang panid 2.)