Gigamit sa Pagtudlo sa Klase

Ang librong Life—How Did It Get Here? By Evolution or by Creation? gigamit sa usa ka tunghaan sa California. Ang usa ka 11-anyos misaysay sa unsang paagi. “Ako nagpaklipakli sa librong Creation,” misulat siya, “ug akong namatikdan nga may pila ka kapitulo bahin sa uniberso ug sa mga bituon. Niadtong panahona ang akong magtutudlo nagtudlo kanamo bahin sa astronomiya.

“Busa gisulat ko sa usa ka pirasong papel ang mga kapitulo nga basin gusto niyang basahon, ug gihatag ko kadto kaniya uban sa libro. Wala siyay gisulti sa duha ka bulan. Dayon misugod siya sa pagtudlo kanamo bahin sa teoriyang big bang. Siya miingon nga siya nagtuon sa usa ka libro. Siya miadto sa iyang talad ug mihulbot sa Life—How Did It Get Here? By Evolution or by Creation? Ako natingala kaayo!

“Siya miingon nga kadto ang labing maayong libro nga sukad iyang nabasa. Dayon gibuksan niya ang libro ug gipakita sa klase ang mga letrato. Akong namatikdan nga iyang gitubag ug gipasiugda ang matag pangutana diha sa libro. Sa dihang siya nagtudlo kanamo, buksan niya ang libro, basahon ang parapo, ug dayon isaysay kana. Sa miabot ang panahon alang sa pasulit, ang mga pangutana naggikan gayod sa libro. Busa masayon ang akong pagtuon alang sa pasulit. . . . Nakakuha akog A.”

Gibati namo nga ikaw makabenepisyo usab sa maong libro. Kon buot nimong makadawat ug kopya, palihog pagpel-ap ug pagbuson sa nagaubang kupon.

Buot kong makadawat sa gahig-hapin 256-panid nga librong Life—How Did It Get Here? By Evolution or by Creation? (Pagsulat sa direksiyon sa ubos alang sa impormasyon. Gawas sa Pilipinas, pagsulat sa lokal nga sangang-buhatan sa Watch Tower alang sa impormasyon. Tan-awa ang panid 2.)