“Nganong Mamatay ang mga Bata?”

Kana ang buot hisayran sa usa ka pamilyang namatyag duha ka gagmayng bata. Usa ka lalaki nga taga-Willowick, Ohio, U.S.A., misaysay:

“Karong bag-o, nahitabo ang usa ka trahedya sa akong pamilya. Ang akong igsoong babaye sa unod namatyan sa iyang duha ka bata sa grabeng aksidente sa kotse. Siyempre, ang tibuok nga pamilya nalumos sa kaguol. Ang ilang Baptist nga ministro wala makahatag ug Kasulatanhong paghupay. Siya nakaingon lang, ‘Kabubut-on kini sa Diyos’ ug, ‘Gikinahanglan sa Diyos ang duha pa ka anghel.’

“Bisan tuod diyutay ra kaayo ang panahon sa pagtuki, ako miliso ngadto sa basahong Nangatarongan Pinasukad sa Kasulatan ug sa topiko niining ‘Nganong Mamatay ang mga Bata?’ Sa mga adlaw ug mga semana nga misunod, ang akong asawa ug ako nakahimo sa pagpaambit sa akong pamilya sa maminatud-ong mga tubag sa daghan nilang mga pangutana, sama sa, ‘Nganong mamatay ang mga bata?’ ‘Kabubut-on ba sa Diyos nga kuhaon ang mga anak gikan sa ilang mga ginikanan?’ ug, labing hinungdanon, ‘Unsa ang paglaom nga makita pag-usab kining matahom nga mga bata?’ Ang akong mga ginikanan nag-ingon nga buot nilang moadto sa Kingdom Hall sa umaabot.”

Ang Nangatarongan Pinasukad sa Kasulatan may kapin sa 70 ka pangunang ulohan. Nahilakip mao ang “Kamatayon,” “Impiyerno,” “Kalag,” “Rapture,” “Reinkarnasyon,” “Sekso,” “Espiritismo,” ug daghan pa. Ang pito-ka-panid niini nga indise sa mga ulohan ug mga kasulatan makatabang nimo sa pagkaplag dayon sa mga tubag. Aron makadawat ug impormasyon kon unsaon pagkadawat ug kopya, palihog pel-api ug ipadala ang kupon.

Buot kong makadawat sa gahig-hapin 448-panid nga basahong Nangatarongan Pinasukad sa Kasulatan. (Pagsulat sa direksiyon sa ubos alang sa impormasyon. Sa gawas sa Pilipinas, pagsulat sa lokal nga sangang-buhatan sa Watch Tower alang sa impormasyon. Tan-awa ang panid 2.)