Usa ka “Talagsaon” nga Kombensiyon Gidayeg

USA ka magsisibya sa radyo sa Lima, Peru, adunay grabeng mga pagduhaduha mahitungod sa mga Saksi ni Jehova. Apan, human makatambong sa usa sa ilang distritong mga kombensiyon, ang iyang tinamdan kalit nga nausab. Sa pagkamatuod, nakadayeg gayod siya nga tungod niana mihimo siya ug pipila ka paborableng mga komento ngadto sa iyang mga mamiminaw sa radyo. Ang mosunod maoy mga kinutlo gikan sa iyang gisulti:

“Ang kombensiyon maoy tinuod talagsaon. Walay bisan usa man ka papel sa salog ni tigbaligya sa palibot. Walay mga paghuot sa sakyanan. Lima ka libo ug duha ka gatos ang miadto sa estadyum sa ilang kaugalingong gasto, ang matag usa adunay dala nga timba, trapo, pangpupho sa abog, dustpan, silhig, eskoba, mga guwantes, ug sabon sa paghugas ug pagnusnos sa dapit. Sa mga dapit nga kinahanglan pintorahan, miadto dayon sila ug nagpintora. Ug asa man naggikan ang salapi? Gikan mismo sa ilang kaugalingon! Sa dihang sila pahibaloon mahitungod sa usa ka butang nga kinahanglang buhaton, silang tanan andam nga moamot ug salapi. Abi god nimo, ang Katolikong Simbahan walay pagpakabana kung mahitungod sa maong mga butang. Buot kong pahalipayan ang mga Saksi ni Jehova ug ang mga tigpahiluna niining okasyona. Ug gusto kong isulti kanila gikan sa kinahiladman sa akong kasingkasing, Hinaot ang Diyos magabulig kaninyo ug magapanalangin kaninyo.”

Sa mga siyudad sa tibuok kalibotan karong tuiga, ang mga Saksi ni Jehova magpahimulos sa “Diyosnong Paagi sa Kinabuhi” Distritong Kombensiyon. Buot ba nimong motambong?

[Blurb sa panid 32]

“Walay bisan usa man ka papel sa salog”