Usa ka Islang Hilit ug Gamay
NG kanunayng gigamit nga adhetibo sa paghubit sa isla sa St. Helena mao ang “hilit” ug “gamay.” Haom kana, kay kining islaha, nga 17 kilometros ang gitas-on ug 10 kilometros ang gilapdon, maoy 1,950 kilometros sa kinadul-ang yuta, ang habagatan-kasadpang kabaybayonan sa Aprika. Dinhi gipadala si Napoléon Bonaparte sa 1815 sa paggugol sa iyang kataposang mga tuig ingong napildi nga destiyero.
Gikan sa dagat ang isla morag usa ka lig-on kaayong kuta nga tan-awon. Kini sa aktuwal maoy usa ka bolkan nga dili na aktibo nga habog kaayong nagbansiwag gikan sa Atlantiko nga may titip kaayong mga pangpang nga moabot ug 500 ngadto sa 700 metros ang gihabogon. Sa tunga niini, ang Mt. Actaeon, nga 818 metros, nagbuntaog sa tibuok isla. Tungod sa mabugnawng hanging amihan ug sa sulog sa dagat sa Habagatang Atlantiko, ang isla adunay bugnaw ug hayahayng klima. Apan gikan sa ubos nga kabaybayonan ngadto sa bukirong kailayahan, lainlain ang mga klima ug katanoman.
Ang St. Helena gipanag-iya sa Britaniko sukad pa sa ulahing ika-17ng siglo. Ang gamayng populasyon nga duolan sa 5,100 maoy kalangkoban sa mga tawong taga-Uropa, taga-Asia, ug Aprikanong mga kagikan. Iningles ang gigamit sa tibuok isla, apan ginalitok kini sa lahi nga tono. Walay erport dinhi; ang bugtong koneksiyon uban sa gawas nga kalibotan maoy pinaagig barko, nga regular nga mohapit paingon sa Habagatang Aprika ug Inglaterra. Gani, ang pagsibya sa telebisyon miabot lamang sa tungatunga sa 1990, tungod sa koneksiyon sa satelayt.
Sa unang mga tuig sa 1930, ang maayong balita sa Gingharian sa Diyos nakaabot sa maong mga kabaybayonan sa unang higayon. (Mateo 24:14) Sa paglabay sa daghang katuigan, daghang taga-isla ang nakabaton niining bahandia nga naghimo sa materyal nga bahandi nga walay-bili. (Mateo 6:19, 20) Karong adlawa, gitagamtam sa St. Helena ang dungog nga nakabaton ug gidaghanon sa Saksi-sa-populasyon nga 1 sa 33, ang kinamaayohan sa kalibotan!
[Mga mapa sa panid 24]
(Alang sa aktuwal nga pagkahan-ay, tan-awa ang publikasyon)
St. Helena
JAMESTOWN
Levelwood
APRIKA
ATLANTIC OCEAN
St. Helena