Pagbasa Duyog sa Imong mga Anak

Sumala sa magasin sa Brazil nga Veja, ang mga anak sa kugihang mga tigbasa lagmit kaayong makaugmad ug gana sa mga basahon kay sa mga batang walay sama niana nga panig-ingnan sa pagbasa diha sa balay. “Ang duyog nga pagbasa makapalig-on sa kasuod tali sa mga ginikanan ug mga anak ug magtugot sa bata nga mas masabtag maayo ang mga kaundan sa mga basahon,” matod ni Martha Hoppe, espesyalista bahin sa pagtubo sa bata.

Ang pagbasag kusog ngadto sa imong mga anak maghatag usab kanimog kahigayonan sa pagtubag sa mga pangutana. Imong mahisgotan ang bisan unsang mga hulagway nga anaa sa sinulat. “Kon mas masabtan sa bata ang kaundan sa mga basahon,” matod ni Hoppe, “mas madasig siya sa pagpangitag basahon sa dihang buot niyang tagbawon ang iyang kamausisahon.”

Daghang ginikanan taliwala sa mga Saksi ni Jehova ang malipay sa pagbasa duyog sa ilang mga anak. Mahimong ilang basahon ang mga publikasyon sama sa Akong Basahon sa mga Estorya sa Bibliya, Pagpatalinghog sa Dakong Magtutudlo, ug Ang Labing Bantogang Tawo nga Nabuhi Sukad.a Ang mga basahong sama niini dili lamang motabang sa mga anak nga mahimong maayong mga magbabasa kondili magpadako usab sa ilang kaikag sa labing himalitang basahon sa tibuok kalibotan​—ang Balaang Bibliya. Busa, kon ikaw usa ka ginikanan, ipakita ang panig-ingnan sa imong mga anak pinaagi sa pagkahimong maikagong tigbasa sa Pulong sa Diyos. (Josue 1:7, 8) Siyempre, gahinig panahon ang pagbasa ngadto kanila!

[Footnote]