“Ang Akong Pagduaw sa Kingdom Hall”

Si Laura,a nga usa ka estudyante sa kolehiyo, gitudlo sa pagtambong ug usa ka relihiyosong serbisyo ug pagsulat ug taho bahin sa iyang kasinatian. Iyang gipili ang mga Saksi ni Jehova, ug iyang gihatagag ulohan ang iyang sinulat nga “Ang Akong Pagduaw sa Kingdom Hall.” Unsay nakaplagan ni Laura nga lahi bahin sa mga Saksi? Lakip sa daghang butang nga iyang gihisgotan mao ang mosunod.

Mga bata: “Ang tanang bata kauban sa mga hamtong sa mao gihapong lawak. Sa tanang iglesya nga akong natambongan, ang mga bata mobiya sa ilang mga ginikanan ug kinahanglang motambong ug Sunday School.”

Panaghiusa sa rasa: “Kasagaran, ang mga iglesya mangdani ug mga membro sa usa lamang ka rasa o etnikong grupo. . . . Apan, ang mga Saksi ni Jehova nanglingkod nga magkauban ang tanan ug wala mabahinbahin sa mga pundok.”

Maabiabihong espiritu: “Daghang tawo ang miduol ug nakig-estorya kanako. . . . Ang pipila nangutana pa gani kanako kon ako nagtuon ba sa Bibliya uban ni bisan kinsa. Bisan pa niana, wala nako batia nga sila nagpit-os kanako. Sila . . . nagtugot kanako nga maoy modesisyon.”

Walay pagpangolekta: “Usa ka butang nga nakapahibulong gayod kanako mao ang kamatuoran nga walay usa nga nangolekta ug amot. . . . Ang mga iglesya nga akong natambongan nangolekta ug mga amot bisan diha sa mga klase sa mga bata.”

Adunay duolan sa 90,000 ka kongregasyon sa mga Saksi ni Jehova sa tibuok kalibotan. Nganong dili moduaw sa usa nga labing duol kanimo?

[Footnote]