Mga Pahibalo

● Tanyag sa basahon sa Disyembre: Akong Basahon sa mga Estorya sa Bibliya sa ₱42.00 o “Tan-awa!” nga ‘brochures’ sa ₱4.20. Enero ug Pebrero: Worldwide Security Under the “Prince of Peace” sa ₱14.00, o bisan unsang daandaang mga publikasyon mahimong ikatanyag. (Kadtong adunay newsprint nga mga edisyon mahimong motanyag niini sa ₱2.50.) Marso: Matuod nga Kalinaw ug Kasegurohan o bisan unsang ubang 192-panid nga libro sa ₱14.00. (Newsprint nga mga edisyon ikatanyag sa ₱2.50.)

● Ang kada gula sa Pagmata! sulod sa 1989 masudlan sa progresibong bahin sa usa ka serye nga nagaulohang “Kaugmaon sa Relihiyon Tungod sa Nangagi Niini.” Kining mga artikuloha magasusi sa kaugmaon sa relihiyon pinaagig paglingi sa kasaysayan sa relihiyon ug sa pagpadapat sa prinsipyong hinungdan ug epekto. Gidasig ang mga magmamantala sa paghimog maayong-pagkaandam nga mga presentasyon ug ipasiugda kining impormasyona sa panahong angay. Niining paagiha, ang mga tawong nabalaka sa pag-us-os sa relihiyon karong mga adlawa mabuligan sa pagkakat-on sa paglaom sa Gingharian.

● Ang usa sa mga drama nga dulaon didto sa “Balaang Hustisya” Distritong Kombensiyon gipasukad sa Ezekiel 9:1-11 ug Numeros 35:1-34. Ang lain pa gibase sa Genesis 6:1–7:24; 18:20–19:26. Ang matag usa mobasa gayod nianang materyala aron bug-os nga makabenepisyo gikan sa maong mga drama nga ipresentar.

● Kadtong walay mga kombensiyon, ang Disyembre 25 ug 30 ug Enero 1 mahimong gamiton alang sa espesyal buluhatong magasin, kay kini mga piyesta opisyal man.

● Ang 1989 nga tinuig nga teksto gikan sa Pinadayag 14:7: “Kahadloki ang Diyos ug ihatag kaniya ang himaya.” Ang tanang kongregasyon maghikay gayod nga ikabutang na kining bag-ong tinuig nga teksto diha sa ilang mga Kingdom Hall sa pagka-Enero 1, 1989.