Atong Ilhanan Ingong mga Saksi ni Jehova

Ingong mga ministro, kita sa katilingban nailhan ingong mga Saksi ni Jehova. Ang atong pakig-ambit sa ministeryo wala himoa gumikan sa pagpugos kang bisan kinsang tawo o kapunongan kondili sumala sa atong hatag-Diyos nga sugo sa pagwali ug paghimog mga tinun-an. (Mat. 24:14; 28:19, 20) Busa, ang mga magmamantala nagabuhat ug maayo nga dili isulti nga sila maoy mga ahente o mga hawas sa Watch Tower Society, o sa bisan unsang korporasyon nga gigamit sa “matinumanon ug maalamong ulipon.”

Kon makasugamak ug mga suliran samtang nagasangyaw diha sa mga apartment o sa makuyaw nga teritoryo, ang mga magmamantala hayan nagakinahanglan ug pipila ka paagi sa personal nga pagkanailhan. Kon pangutan-on, ang bawtismadong mga magmamantala mahimong mogamit sa ‘identification card’ (S-65) nga pirmado sa nagadumalang magtatan-aw, nga nagapakita nga siya nagasangyaw sa maayong balita sa Gingharian duyog sa lokal nga kongregasyon nga ginganlan diha sa kard.

Ang mga kongregasyon mag-order ug suplay sa S-65 nga kard diha sa ‘Form Order Blank’ nga ipadala dungan sa inyong kuwentada sa kuwenta sa Abril. Kini mahimong ihatag ngadto sa bawtismadong mga magmamantala kon adunay panginahanglan. Kon ang bisan kinsang magmamantala nagagamit ug kaugalingon o ‘personal name card,’ dili gayod nila sulatan kana nga sila maoy mga hawas sa Watch Tower Society.