Mga Pahibalo

◼ Tanyag nga basahon sa Abril ug Mayo: Usa ka tuig nga suskrisyon sa Ang Bantayanang Torre sa ₱80.00. Hunyo: Life​—How Did It Get Here? By Evolution or by Creation?, dakong edisyon sa ₱60.00, gamayng edisyon sa ₱30.00. (Alang niadtong wala magsultig Ingles, mahimong itanyag ang Ang Bibliya​—Pulong sa Diyos o sa Tawo? ingong kapuli sa ₱20.00.) Hulyo ug Agosto: Bisan unsang brosyur sa ₱6.00. MATIKDI: Ang mga kongregasyong wala pa makapedido sa gihisgotan-itaas nga mga basahong igtatanyag magahimo niana diha sa ilang sunod binulang Literature Request Form (S-14).

◼ Ang mga order ikapadala na karon alang sa 1993 Watchtower ug Awake! nga mga tomo. Sa dihang madawat na ang mga order kini ipaila diha sa usa ka invoice nga markahan ug “back-ordered.” Walay pabayad nga himoon diha sa kuwenta nianang panahona. Sa dihang ang mga tomo madawat na gikan sa Brooklyn kana ikarga sa inyong kuwenta ug ipadala ngadto sa kongregasyon.

◼ Ang makugihong panikaysikay kinahanglang himoon sa pagduaw sa tanang mitambong sa Memoryal sa Marso 26 sa pagsulay sa pagsugod ug usa ka pagtuon sa Bibliya. Buligi sila nga makasabot sa panginahanglan sa pagtambong sa mga tigom nga makanunayon, dili lamang makausa sa tuig.

◼ Ang tanang kongregasyon sa Bicol, Pangasinan, ug Samar-Leyte magatuon sa librong The Greatest Man Who Ever Lived sa mga pagtuon sa libro sa kongregasyon sugod sa semana sa Hunyo 6-12, 1994. Ang materyal himoong serye sa matag gula sa Ang Bantayanang Torre niining mga pinulongana, sugod sa Mayo 1, 1994 nga gula.

◼ Ang tanang magmamantala ginadasig nga makasugod ug sayo sa pag-alagad sa Abril, nga maningkamot sa paggugol ug dugang panahon sa pag-alagad sa kanataran kay sa kasagaran. Ang mga kasabotan mahimo sa pagpakig-uban uban kanilang magaoksilyare payunir niining bulana. Usab, ang mga tagdumala sa pagtuon sa libro kinahanglang magseguro nga ang tanan sa ilang mga grupo makig-ambit sa pag-alagad una pa matapos ang bulan. Sa kataposan sa Abril palihog itunol dayon ang inyong mga taho.