Repaso sa Tunghaan sa Teokratikanhong Ministeryo
Serado-basahong pagsubli sa materyal nga nakobrehan diha sa mga asaynment sa Tunghaan sa Teokratikanhong Ministeryo para sa mga semana sa Enero 2 hangtod sa Abril 17, 1995. Gamita ang usa ka separadong papel sa pagsulat sa mga tubag sa mga pangutana sa daghan nga imong maarangan diha sa gitagal nga panahon.
[Matikdi: Sulod sa panahon sa sinulat nga pagsubli, ang Bibliya lamang ang mahimong gamiton sa pagtubag sa bisan unsang pangutana. Ang mga reperensiya nga nagasunod sa mga pangutana maoy alang sa imong personal nga panukiduki. Ang mga numero sa panid ug parapo mahimong dili makita diha sa tanang reperensiya sa Ang Bantayanang Torre.]
Tubaga ang matag usa sa mosunod nga mga pahayag nga Matuod o Bakak:
1. Ang isyu sa pagkasoberano sa pagkatinuod usa ka kuwestiyon kon kinsa ang labing gamhanan, si Jehova o si Satanas. [jv-CV pp. 11-12]
2. Ang Kristohanong kongregasyon sa unang siglo maoy dili-suod nga asosasyon sa independenteng lokal nga mga kongregasyon. [jv-CV p. 29 mga par. 1-3]
3. Ang pagdawat ug tambag maoy usa ka timailhan sa kahuyangan. [uw-CV p. 127 par. 4]
4. Ang mga terminong “magtatan-aw” ug “gulang nga lalaki,” o “ansiano,” ang tanan sa pagkatinuod nagpunting sa samang posisyon. [jv-CV p. 35 potnot]
5. Ang Proverbio 11:25 maoy usa ka pananglitan sa parehong paralelismong mga hunahuna o mga ideya sa Hebreohanong balaknong estilo, ug ang Proverbio 10:7 maoy usa ka pananglitan sa palahing paralelismo. [si-CV p. 107 par. 7]
6. Niadtong 33 K.P., sa dihang siya gibanhaw ug mikuha sa iyang dapit sa tuong kamot sa Diyos, si Jesus misugod sa pagmando sa maong panahon ibabaw sa iyang dinihogang mga tinun-an. (Col. 1:13) [gt-CV kap. 132]
7. Mga 3,000 ka tuig sa wala pa madiskobrehi sa mga siyentipiko ang henetikong kodigo, ang Salmo 139:13-16 nagpabanaag ug kahibalo bahin niana. [Senemanang pagbasa sa Bibliya; tan-awa ang w92-CV 5/15 p. 4.]
8. Ang Proverbio 8:22-31 maoy usa ka bug-os nga kabatbatan sa kaalam. [Senemanang pagbasa sa Bibliya; tan-awa ang w87-CV 5/15 p. 28.]
9. Ang matuod nga Kristohanon dili angayng magdumot sa bisan unsa. [Senemanang pagbasa sa Bibliya; tan-awa ang w92-CV 1/1 p. 21.]
10. Tungod kay daghan sa sayong mga Kristohanon ang nagpanaksi atubangan sa kamatayon, ang Gregong pulong sa “saksi” nagbaton sa kahulogang gipadapat sa mga tawong andam nga mamatay tungod sa ilang mga pagtuo. [jv-CV p. 13]
Tubaga ang mosunod nga mga pangutana:
11. Pagngalan ug tulo ka saksi ni Jehova sa wala pa ang Lunop. [jv-CV pp. 13-14]
12. Sumala sa Isaias 43:10 ug 61:1, 2, tungod sa unsang duha ka katarongan nga si Jesus angayng mahimo gayod nga usa ka saksi ni Jehova? [jv-CV p. 19 par. 4]
13. Kon ang mga Hudiyo nga sa ulahi nahimong mga Kristohanon nahibalo na sa ngalan sa Diyos, diha sa unsang diwa nga ipadayag kini ni Jesus, o ipaila, ngadto kanila? [jv-CV p. 21 par. 1]
14. Unsang duha ka hinungdanong kausaban sa organisasyon ang gisagop sa kongregasyon sulod sa 150 ka tuig o kapin pa sukad sa pagkamatay sa kataposan sa mga apostoles? [jv-CV p. 35 par. 2, p. 36 par. 2]
15. Bisag ang Repormasyon may nalampos nga pila ka maayong butang, ipunting ang labing menos duha ka pangunang mga sayop sa Protestanteng mga iglesya nga nadala gikan sa Katolisismo. [jv-CV p. 39 mga par. 2, 3]
16. Unsang bakak nga pagtulon-an ang dili madawat sa matinud-anog kasingkasing nga tin-edyer nga si Charles Taze Russell? [jv-CV p. 43 par. 2]
17. Unsay nakapahimo sa paagi ni Igsoong Russell sa pagpatin-aw sa mga pagtulon-an sa Bibliya nga lahi gikan sa daghang magsusulat sa iyang adlaw? [jv-CV p. 53 par. 3]
18. Unsay kaayohan alang kang Jesus ang kahibalo niya sa mga Salmo? [si-CV p. 105 par. 30]
19. Nganong ang matinumanong mga apostoles, ang igsoon ni Jesus sa inahan nga si Santiago, ug ang kapin sa 500 ka tinun-an kombinsido nga si Jesus nabanhaw? [gt-CV kap. 131]
20. Kinsay naghatag kang Solomon sa iyang kaalam, ug unsay angayng pabilhan nato kon kita mobasa sa mga Proverbio? [si-CV p. 106 par. 1]
Itagana ang pulong o prase nga gikinahanglan sa pagkompleto sa matag usa sa mosunod nga mga pahayag:
21. Kadtong kinsa gitumong ni Jesus sa iyang mga pulong sa Buhat 1:8 maoy mga saksi na ni ․․․․․․․, ug sila tungod niana nakabatog dugang pribilehiyo nga mahimong mga saksi ni ․․․․․․․. [jv-CV p. 26 mga par. 1, 2]
22. Si Igsoong Russell kombinsido nga ang pagbalik ni Kristo maoy ․․․․․․․, ug makapaikag nga mahibalo nga dugay na kanhi sa wala pa ang panahon ni Russell, si Sir Isaac Newton misulat nga si Kristo mobalik ug magmando nga “․․․․․․․.” [jv-CV p. 46 potnot]
23. Sa iyang iladong pakigpulong sa Pentecostes 33 K.P., si Pedro balikbalik nga nagkutlo gikan sa basahon sa ․․․․․․․; niadtong higayona mga ․․․․․․․ ka tawo ang gibawtismohan ug gidugang sa kongregasyon. [si-CV p. 105 mga par. 25, 26]
24. Ang mga Salmo nagtagna nga si Jesus pagatanyagan ug ․․․․․․․ aron imnon, nga pagaripahon ang iyang panggawas nga ․․․․․․․, ug nga siya mopatim-awng pagatalikdan sa ․․․․․․․. [si-CV p. 105 par. 30]
25. Ang Kristiyanidad nailhan ingong ․․․․․․․ tungod kay kini usa ka dalan, o paagi, sa kinabuhi nga nagsentro sa pagtuo diha kang ․․․․․․․ ug ang suod nga pagsunod sa iyang mga tunob. [jv-CV p. 29 par. 5]
Pilia ang hustong tubag sa matag usa sa mosunod nga mga pahayag:
26. Sa paglansang kaniya, si Jesus gitanyagan ug bino nga sinambogan ug mirra, apan siya midumili sa pag-inom niini tungod kay (ang Kasugoan nagdili niini; siya usa ka Nazareo; buot niyang bug-os makahupot sa iyang mga katakos). [gt-CV kap. 125]
27. Ang paghugas sa atong mga bisti ug pagpaputi niini diha sa dugo sa Kordero nagkahulogang kita (mohunong sa pagpakasala; moila sa atong panginahanglan sa nagatubos-sa-sala nga bili sa halad ni Jesus; magpahinungod sa atong kinabuhi ngadto sa Diyos ug magpabawtismo). [uw-CV p. 106 par. 7]
28. Si Jesus gipahayag nga walay-sala sa labing menos lima ka higayon ni (Herodes; Pilato; Felix), nga sa ulahi nagpadaog sa walay-hunong nga mga paghangyo sa mga Hudiyo ug nagtugyan kang Jesus aron pagapatyon. [gt-CV kap. 124]
29. Ang tanang matinumanong mga alagad sa Diyos nga namatay ug nagpabiling patay sa wala pa ang Pentecostes (36; 35; 33) K.P. wala dihogi sa balaang espiritu alang sa langitnong kinabuhi. [uw-CV p. 111 par. 5]
30. Si Satanas nangatarongan nga ang tanang katawhan gipalihok sa (gugma; pagdumot; tinguha alang sa kaugalingong ganansiya) ug nga ang ilang pangunang kabalaka mao ang (ngalan sa Diyos; uban; kaugalingon). [uw-CV p. 124 par. 14]
Ipatukma ang mosunod nga mga teksto nganha sa mga pahayag nga gitala sa ubos:
Prov. 3:27, 28; Juan 19:4-6; 19:25-27; Roma 15:2, 3; Pin. 7:16, 17
31. Ang mga Kristohanon adunay kaakohan sa pag-atiman sa ilang tigulang nga mga ginikanan. [gt-CV kap. 126]
32. Kita sa pagkatinuod mabalak-on bahin sa epekto sa atong panagway ngadto sa uban, busa kinabubut-on natong ginasakripisyo ang pagpahimuot sa atong kaugalingon. [uw-CV p. 130 mga par. 10, 11]
33. Kon kita adunay kahigayonan sa pagbuhat ug maayo sa uban, sa espirituwal o sa materyal man nga paagi, angay natong pahimuslan ang kahigayonan ug tabangan ang atong isigkatawo, ilabina ang atong espirituwal nga mga igsoon. [Senemanang pagbasa sa Bibliya; tan-awa ang w93-CV 12/15 p. 20.]
34. Ang mahilomong dignidad ug kamalinawon atubangan sa kalisod makahatag ug kadungganan kang Jehova ug makaanig pagtahod sa mga tawo. [gt-CV kap. 123]
35. Kita nagsugod na sa pagtagamtam sa gisaad nga mga kahimtang nga tukmang gitawag nga “usa ka espirituwal nga paraiso.” [uw-CV pp. 107-9 mga par. 9-11]