Repaso sa Tunghaan sa Teokratikanhong Ministeryo
Serado-basahong pagsubli sa materyal nga nakobrehan diha sa mga asaynment sa Tunghaan sa Teokratikanhong Ministeryo para sa mga semana sa Mayo 6 hangtod sa Agosto 19, 1996. Gamita ang usa ka separadong papel sa pagsulat sa mga tubag sa mga pangutana sa daghan nga imong maarangan diha sa gitagal nga panahon.
[Matikdi: Sulod sa panahon sa sinulat nga pagsubli, ang Bibliya lamang ang mahimong gamiton sa pagtubag sa bisan unsang pangutana. Ang mga reperensiya nga nagasunod sa mga pangutana maoy alang sa imong personal nga panukiduki. Ang mga numero sa panid ug parapo mahimong dili makita diha sa tanang reperensiya sa Ang Bantayanang Torre.]
Tubaga ang matag usa sa mosunod nga mga pahayag nga Matuod o Bakak:
1. Dako man kitag ikahatag o gamay, nahiuyon sa Kasulatan ang kinasingkasing nga paghangyo alang sa pribilehiyo sa pagtabang sa atong matinumanong Kristohanong mga igsoon nga nakakaplag sa ilang kaugalingon nga nanginahanglan sa mga kinahanglanon sa kinabuhi. (2 Cor. 8:1-4) [jv-CV p. 314 par. 1]
2. Ang ‘Gog sa Magog’ maoy simbolikong paghisgot sa mga gobyerno niining kalibotana. (Ezek. 38:2) [Senemanang pagbasa sa Bibliya; tan-awa ang w91-CV 8/15 p. 27 par. 2.]
3. Maingon nga si Ohola maoy magulang nga igsoong babaye ni Oholiba, sama sa gihulagway sa Ezekiel kapitulo 23, sa ingon ang Romanong Katolisismo maoy magulang nga igsoong babaye sa Protestantismo, ug ang duha ka organisasyon naghugaw sa ilang kaugalingon pinaagi sa pagpanapaw sa espirituwal uban sa komersiyal ug politikanhong mga gahom sa kalibotan. [Senemanang pagbasa sa Bibliya; tan-awa ang w89-CV 4/1 30.]
4. Ang mga Saksi ni Jehova nag-uswag sa gidaghanon sa sukod nga nalabwan nila ang populasyon sa daghang indibiduwal nga mga nasod. [jv-CV p. 278 par. 3]
5. Si Cornelio mao ang unang Hentil nga nahimong usa ka Kristohanon. [it-1 p. 513 mga par. 3, 4]
6. Ang Santiago 4:17 ug Ezekiel 33:7-9 nagkauyon, nga nagpakitang ang pagkasayod sa gikinahanglan sa Diyos kanato ang naghimo kanatong may tulobagon ngadto kaniya. [Senemanang pagbasa sa Bibliya; tan-awa ang w93-CV 4/1 p. 7 par. 1.]
7. Gipamatud-an ni Daniel ang iyang kaugalingon nga usa ka matuod nga manalagna pinaagi sa pagpatin-aw sa kahulogan sa damgo nga larawan human nga gihubit kana ni Haring Nabucodonosor ngadto kaniya. [Senemanang pagbasa sa Bibliya; tan-awa ang Daniel 2:7-9, 26.]
8. Ang tubig nga nagaagay gikan sa mahulagwayong templo nga gihubit sa Ezekiel 47:1 nagahawas sa nagahinlong gahom sa bawtismo. [Senemanang pagbasa sa Bibliya; tan-awa ang w88-CV 9/15 p. 27 par. 20.]
9. Ang panig-ingnan ni Balaam nagsilbing usa ka pasidaan sa tanang gahig-ulo ug padayong wala magtagad sa kabubut-on sa Diyos samtang sila nagapangagpas sa hakog nga ganansiya. (Jud. 11) [it-1 p. 244 par. 4]
10. Ang matinumanong sekretaryo sa manalagnang si Jeremias kinsa gisaaran nga luwason latas sa paglikos ug pagkalaglag sa Jerusalem mao si Ebed-melech. [it-1 p. 259 par. 5]
Tubaga ang mosunod nga mga pangutana:
11. Sa unsang mga paagi gipasundayag ni Charles Taze Russel nga siya nagpatalinghog sa mga pulong ni Jesus bahin sa pagpangita pag-una sa Gingharian? (Mat. 6:33) [jv-CV p. 284 par. 1]
12. Ang mga kombensiyon sa mga Saksi ni Jehova nagahatag sa unsang dili ikalimod nga ebidensiya? [jv-CV p. 254 mga par. 2, 3]
13. Diha sa unsang paagi nga ang dinihogang mga Saksi ni Jehova ug ang ilang mga kauban mahisama kang Ezekiel? (Ezek. 11:25) [Senemanang pagbasa sa Bibliya; tan-awa ang w88-CV 9/15 p. 16 par. 3.]
14. Nganong ang separadong mga tigom alang sa mga batan-on sa kongregasyon gihunong niadtong 1938? [jv-CV p. 246 par. 1]
15. Sa unsang mga paagi gisundog ni Raynang Athalia ang iyang inahan, si Jezebel? [it-1 p. 209 par. 3]
16. Unsay kahulogan sa balaang ngalan, Jehova? [kl-CV p. 25 par. 7]
17. Kon ang matuod nga Kristohanon manginahanglan, kinsa ang pangunang may responsabilidad sa pagtaganag materyal nga tabang, ug unsa ang Kasulatanhong pasikaranan sa imong tubag? [jv-CV p. 305 par. 1]
18. Kinsay mihulip kang Noemi sa pagpakigminyo sa igsoon sa iyang namatay nga bana ngadto kang Boaz? [it-1 p. 347 par. 8]
19. Kinsa nga manalagna ang nagpunting sa yuta ingong “lingin,” ug diin sa Kasulatan kini nahisulat? [kl-CV p. 17 par. 14]
20. Unsay ipasabot gayod sa pagpangita pag-una sa Gingharian? [jv-CV p. 295 par. 1]
Itagana ang pulong o prase nga gikinahanglan sa pagkompleto sa matag usa sa mosunod nga mga pahayag:
21. Sa katumanan sa Ezekiel 21:26, ang “binayaw” nga gingharian sa ․․․․․․․ ‘gipaubos’ sa pagkalaglag niadtong ․․․․․․․, ug ang “ubos” nga mga ginghariang ․․․․․․․ “gibayaw,” nga nagtugot kanila sa pagkontrolar sa yuta nga walay pagbalda sa usa ka tipikal nga ․․․․․․․ sa Diyos. [Senemanang pagbasa sa Bibliya; tan-awa ang w88-CV 9/15 p. 19 par. 16.]
22. Ang bahin sa basahon ni ․․․․․․․ maoy sa pagkatinuod ․․․․․․․ nga gisulat nga abante, nga nagpunting sa pag-ilogay sa gahom sa dagkong mga dinastiya latas sa kasiglohan. [si-CV p. 138 par. 1]
23. Ang ekspresyon nga “akong alagad nga si David” sa Ezekiel 34:23 dugay nang gisulat human sa kamatayon ni ․․․․․․․; kini maoy usa ka matagnaong pulong ug nagpunting kang ․․․․․․․. [si-CV p. 137 par. 31]
24. Tali sa Enero 1946 ug Agosto 1948, ang mga Saksi ni Jehova nakataganag ․․․․․․․ ug ․․․․․․․ alang sa mga Saksi nga nagpuyo sa labing menos 18 ka nasod nga naapektohan sa ․․․․․․․. [jv-CV p. 308 mga par. 3, 4]
25. Ang talagsaong pag-uswag sa espirituwal nakab-ot niadtong 1931 sa dihang gisagop nato ang ngalang ․․․․․․․, sa 1935 sa dihang nailhan ang ․․․․․․․, sa 1950 sa dihang ang ․․․․․․․ giluwat, ug sa 1962 sa dihang gitul-id ang atong pagsabot bahin sa ․․․․․․․. [jv-CV p. 260 par. 3–p. 264 par. 2]
Pilia ang hustong tubag sa matag usa sa mosunod nga mga pahayag:
26. Ang kasinatian ni (Abigail; Dorcas; Dina) nag-ilustrar sa pagkamatinud-anon sa prinsipyo sa 1 Corinto 15:33. [it-1 p. 627 par. 3]
27. Nasakop ni Ciro ang siyudad sa (Jerusalem; Babilonya; Nineve) pinaagi sa pagpatipas sa mga tubig sa Subang (Tigris; Jordan; Eufrates) aron ang iyang mga sundalo makasulod sa siyudad. [it-1 p. 567 par. 1]
28. Ang iyang ngalan mao si Jose, apan tungod sa iyang pagkamabination ug pagkamahinatagon, siya nailhan ingong (Andres; Bernabe; Bartolome), nga nagkahulogang “Anak sa (Kasub-anan; Kasadya; Paghupay).” [it-1 p. 257 mga par. 3, 4]
29. Si Belsasar, ang panganay nga lalaki ni (Ciro; Nabonido; Nabucodonosor), gihisgotan lamang sa asoy sa Bibliya ni (Ezekiel; Daniel; Isaias), ug ang ebidensiya sa arkeolohiya mouyon sa pagkamatinud-anon sa asoy. [it-1 p. 282 par. 11]
30. Ang pagkapukan sa Babilonya gitagna ni (Daniel ug Oseas; Joel ug Amos; Isaias ug Jeremias). [kl-CV p. 18 par. 17]
Ipatukma ang mosunod nga mga teksto nganha sa mga pahayag nga gitala sa ubos:
2 Cron. 14:2-5; Sal. 78:40, 41; Isa. 55:10, 11; Dan. 1:8, 11-13; 1 Cor. 9:16
31. Aron ipasiugda ang kahinungdanon sa buluhatong pagsangyaw, ang Watchtower sa 1949 mideklarar: “Si Jehova naghimo sa pagwali ingon nga ang labing importanteng buluhaton niining kalibotana nga mahimo ni bisan kinsa kanato.” [jv-CV p. 292 par. 4]
32. Ang batan-ong mga Kristohanon angayng dili magpanuko sa matinahorong pagpahibalo sa mga awtoridad ug sa kaubang mga estudyante nga dili nila lapason ang ilang diyosnong tanlag. [Senamanang pagbasa sa Bibliya; tan-awa ang w92-CV 11/1 p. 14 par. 17.]
33. Tumanon sa Diyos ang orihinal nga katuyoan alang sa katawhan ug sa yuta. [kl-CV p. 9 par. 10]
34. Ang matinumanong mga alagad ni Jehova maisogong mosupak sa apostasya ug masibotong maningkamot sa pagpalambo sa putli nga pagsimba. [it-1 p. 183 mga par. 11, 12]
35. Ang Diyos dunay mga pagbati, ug ang mga kapilian nga atong himoon makaapektar kaniya. [kl-CV p. 14 par. 8]