Mga Pahibalo

◼ Tanyag nga literatura sa Agosto: Bisan unsa sa mga brosyur mahimong itanyag sa ₱7.50, apan among dasigon ang tanan nga ipasiugda ilabina ang bag-ong brosyur, Usa ka Basahon Alang sa Tanang Tawo. Septiyembre: Ang Kahibalo nga libro sa ₱25.00. Oktubre: Usa ka tuig nga suskrisyon sa Ang Bantayanang Torre o Pagmata! sa ₱120.00. Nobyembre: Ang Kahibalo nga libro sa ₱25.00. MATIKDI: Ang mga kongregasyon nga wala pa makapedido sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Order Form (S-AB-14).

◼ Ang matag kongregasyon makadawat ug duha ka Literature Inventory nga mga porma (S-18) duyog sa ilang kuwentada sa mga kuwenta alang sa Hunyo. Palihog kuwentaha sa aktuwal ang tanang estak sa literatura sa pagka-Agosto 31, 1998 ug pil-api ang mga porma sa bug-os, nga ibalik ang orihinal sa Sosyedad nga dili maulahi sa Septiyembre 6. Hupti ang duplikado sa inyong payl.

◼ Ang sekretaryo sa kongregasyon magtigom sa mga taho sa pag-alagad aron ikatala sa Congregation Analysis Report nga porma (S-10). Maampingon usab niyang tudloan ang bisan kinsang ansiyano o ministeryal nga alagad nga tingali makatabang kaniya sa pagtigom sa taho. Magtino kini nga tukmang mahan-ay ang impormasyon nga gikinahanglan gikan sa Publisher Record nga mga kard (S-21). Ang Congregation Analysis Report kinahanglang mapil-apan sa husto ug hinlo nga paagi ug maampingong susihon sa komite sa pag-alagad.

◼ Ang mga order sa Pagsusi sa Kasulatan sa Adlaw-Adlaw​—1999 ug ang 1999 nga kalendaryo kinahanglang ipadala na karon sa Sosyedad. Nagpadala kami ug espesyal nga order blank ngadto sa matag kongregasyon uban sa taho sa kuwentada sa mga kuwenta sa Hunyo alang ning duha ka butang. Inigkadawat ninyo niini, pil-api kini ug ibalik kini ngadto sa Sosyedad nga dili maulahi sa Septiyembre 6. Ang amot sa Pagsusi sa Kasulatan sa Adlaw-Adlaw maoy ₱12.50. Ang usa ka libreng kopya mahimong ihatag sa matag espesyal ug regular payunir nga anaa sa listahan sukad sa Hulyo 1, 1998, ug ang kongregasyon mohangyog kunhod niini diha sa Remittance and Credit Request nga porma (S-20) sa dihang ilang ipadala ang bayad human madawat ang mga pulyeto. Ang bisan unsang dugang mga kopya nga buot kuhaon sa mga payunir maoy sa bug-os kantidad nga ₱12.50. Wala nay kunhod sa payunir niining butanga. Ang kalendaryo maoy ₱30.00 ug walay kunhod sa payunir niini, ni hatagag libre ang mga payunir.

◼ Duna pa ing panahon alang niadtong nagaplano sa pagsugod sa regular payunir nga buluhaton sa Septiyembre 1, 1998 sa pagtunol sa ilang mga aplikasyon. Sa dihang maaprobahan kini sa komite sa pag-alagad kinahanglang ipadala kini ngadto sa Sosyedad nga walay langan aron ang aprobal madawat una pa ang Septiyembre 1.

◼ Eskebyul sa Pagtuon sa Libro sa Kongregasyon: Gikan sa semana sa Septiyembre 21 hangtod sa semana sa Oktubre 26, ang brosyur nga Unsay Gikinahanglan sa Diyos Kanato? maoy tun-an sa mga Pagtuon sa Libro sa Kongregasyon. Gikan sa Nobyembre 2 hangtod sa Disyembre 14, ang brosyur nga Unsa ang Katuyoan sa Kinabuhi? maoy tun-an. Dayon gikan sa Disyembre 21 hangtod sa Enero 25, ang brosyur nga Tinuod Bang May Pagtagad ang Diyos Kanato? maoy tun-an. Ang tanang kongregasyon kinahanglang moorder sa bisan unsang mga suplay nga gikinahanglan aron ang tanan makabaton sa tun-anang materyal sa hustong panahon. Sanglit ang Katuyoan sa Kinabuhi nga brosyur dili mabatonan sa Bicol, Pangasinan, ug Samar-Leyte, makita kini sa de-seryeng porma diha sa diyalektong mga isyu sa Bantayanang Torre sa Oktubre 1, Oktubre 15, ug Nobyembre 1, 1998.