Mga Pahibalo

◼ Tanyag nga literatura sa Marso: Ang Kahibalo nga libro sa ₱25.00. Ang linaing paningkamot himoon aron makasugod ug mga pagtuon sa Bibliya sa balay. Abril ug Mayo: Usa ka tuig nga suskrisyon sa Ang Bantayanang Torre sa ₱120.00. Pagbaton ug Gikinahanglan nga brosyur alang sa interesadong mga tawo, ug paningkamot sa pagsugod ug mga pagtuon sa Bibliya sa balay. Hunyo: Ang Kahibalo nga libro sa ₱25.00. MATIKDI: Ang mga kongregasyon nga wala pa makaorder sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Order Form (S-AB-14).

◼ Ang nagadumalang magtatan-aw o usa nga iyang itudlo kinahanglang mag-awdit sa mga kuwenta sa kongregasyon sa Marso 1 o sa dili madugay nga maarangan human niana. Inigkahuman niini, ipahibalo sa kongregasyon human mabasa ang sunod nga taho sa mga kuwenta.

◼ Sugod sa Abril, ang mga magtatan-aw sa sirkito mohatag sa pahayag publiko nga nag-ulohang “Ikaw ba Nagalakaw Uban sa Diyos?” sa dihang moduaw sa mga kongregasyon.

◼ Ang mga magmamantala nga buot mag-alagad ingong mga oksilyare payunir sa Abril ug Mayo kinahanglang magplano na sila karon ug itunol ang ilang mga aplikasyon nga sayo. Kini magtabang sa mga ansiyano sa paghimog kinahanglanong mga kahikayan sa pag-alagad sa kanataran ug pagbaton ug igoigong mga magasin ug ubang literatura. Ang mga ngalan sa tanang naaprobahan sa pag-oksilyare payunir kinahanglang ipahibalo sa kongregasyon.

◼ Ang Memoryal himoon sa Huwebes, Abril 1, 1999. Kon ang inyong kongregasyon adunay naandang mga tigom sa Huwebes, ibalhin kini sa laing adlaw sa semana kon magamit ang Kingdom Hall. Kon dili kini posible ug ang inyong Tigom sa Pag-alagad maapektohan, ang mga bahin nga ilabinang mapadapat sa inyong kongregasyon mahimong ilangkob ngadto sa laing Tigom sa Pag-alagad.

◼ Kadtong nasakop sa kongregasyon kinahanglang magpadala sa tanang bag-o ug gibag-ong mga suskrisyon alang sa Ang Bantayanang Torre ug Pagmata!, lakip ang ilang personal nga mga suskrisyon, pinaagi sa kongregasyon.

◼ Memoryal nga Pagbasa sa Bibliya: Ang tanan gidasig sa pagbasa sa girekomendang mga bahin sa Bibliya sumala sa gipakita sa 1999 Calendar ug sa Pagsusi sa Kasulatan sa Adlaw-Adlaw, sugod sa Marso 27 ug matapos sa adlaw sa Memoryal, Abril 1.

◼ Ang Sosyedad dili mopadalag mga hangyo sa literatura sa indibiduwal nga mga magmamantala. Ang nagadumalang magtatan-aw kinahanglang maghikay ug pahibalo nga himoon matag bulan una pa ipadala ngadto sa Sosyedad ang binulang hangyo sa literatura nga iya sa kongregasyon aron ang tanang buot makabatog personal nga literatura hayan makapahibalo sa igsoon nga nagdumala sa literatura. Palihog hinumdomi kon unsang mga publikasyona ang mga special-request item.

◼ Bag-ong Audiocassette nga Mabatonan:

Families​—Make Daily Bible Reading Your Way of Life! (Kini ang drama bahin sa tulo ka Hebreohanon nga gikaikagan sa atong di pa dugayng distritong mga kombensiyon. Magmamantala: ₱60.00; Payunir: ₱52.50.)​—Ingles