Mga Pahibalo

◼ Tanyag nga literatura sa Disyembre: New World Translation Bible uban sa librong Kahibalo sa ₱125.00. Ang mga librong Mabuhing Walay Kataposan o Pulong sa Diyos mahimong itanyag ingong mga kapilian. Enero: Nahiusa sa Pagsimba sa Bugtong Matuod nga Diyos o bisan unsang ubang daandaang 192-panid nga mga libro. Kon walay mabatonan, ang librong Kahibalo mahimong itanyag. Pebrero: Ang librong Kalipay sa Pamilya. Marso: Kahibalo nga Motultol sa Kinabuhing Walay Kataposan. MATIKDI: Ang mga kongregasyon nga wala pa makaorder sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Order Form (S-AB-14).

◼ Ang nagadumalang magtatan-aw o usa nga iyang itudlo kinahanglang mag-awdit sa kuwenta sa kongregasyon sa Disyembre 1 o sa di madugay human niana. Ipahibalo sa kongregasyon sa dihang kini mahimo na.

◼ Hinungdanon alang sa mga magmamantala sa pagtino nga sila makig-ambit sa pag-alagad sa kanataran sayo sa Disyembre. Kon ikaw motambong sa kombensiyon o mobakasyon, tinoa nga imong ihatag ang imong taho ngadto sa sekretaryo una pa mogikan. Kon ang tanan mainampingong motaho sa hustong panahon sa kataposan sa bulan, atong mabatonan ang kompletong taho alang sa Disyembre.

◼ Mga Amot Alang sa Distritong Kombensiyon: Ang tanang galastohan sa mga kombensiyon, nga naglakip sa pag-abang sa haom nga mga pasilidad, pag-andam sa entablado ug sa public address system gisuportahan sa katibuk-an pinaagig boluntaryong mga amot. Kami nakaseguro nga imo kining ibutang sa hunahuna sa dihang motambong. Ang mga amot mahimong himoon pinaagig paggamit sa mga contribution box nga gitagana sa matag kombensiyon.​—Tan-awa ang parapo 19 sa pasukip sa Atong Ministeryo sa Gingharian sa Nobyembre, 1999.

◼ 2000 Tinuig nga Teksto: Ang tinuig nga teksto alang sa 2000 gikuha gikan sa Hebreohanon 10:​39: “Kita dili ang matang nga nagapanibog . . . kundili ang matang nga adunay pagtuo.” Ang tanang kongregasyon kinahanglang maghikay sa pagbutang sa bag-ong tinuig nga teksto diha sa ilang Kingdom Hall sa Enero 1, 2000.