Mga Pahibalo

◼ Tanyag nga literatura sa Pebrero: Ang librong Kalipay sa Pamilya. Marso: Kahibalo nga Motultol sa Kinabuhing Walay Kataposan. Ang linaing paningkamot himoon sa pagsugod ug mga pagtuon sa Bibliya sa balay. Abril ug Mayo: Indibiduwal nga mga kopya sa Ang Bantayanang Torre ug Pagmata! Pakuhaa ang interesadong mga tawo sa Gikinahanglan nga brosyur, ug panlimbasogi ang pagsugod ug mga pagtuon sa Bibliya sa balay. MATIKDI: Ang mga kongregasyon nga wala pa makahangyo sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Request Form (S-AB-14).

◼ Ang sekretaryo ug ang magtatan-aw sa pag-alagad angayng magsubli sa kalihokan sa pag-alagad sa tanang regular payunir. Sa kataposan sa Pebrero angay nga sila aduna na ing mga 420 ka oras nga itaho. Kon adunay nalisdan sa pagkab-ot sa gikinahanglang oras, ang mga ansiyano kinahanglang maghikay alang sa tabang nga ikahatag aron ilang mahulipan ang wala makab-ot nga oras sulod sa nahibiling unom ka bulan sa tuig sa pag-alagad. Isip mga sugyot, sublia ang S-201 tinuig nga mga sulat sa Sosyedad nga penetsahan ug Disyembre 1. Tan-awa usab ang mga parapo 12-20 sa Septiyembre 1986 nga pasukip sa Atong Ministeryo sa Gingharian.

◼ Sa Dominggo, Pebrero 20, 2000, adunay miting uban niadtong tanan nga nagplano sa pag-oksilyare payunir sulod sa mga bulan sa Marso, Abril, ug Mayo niining tuiga. Ang tanan gidasig sa pagtambong. Sanglit ang kinahanglanon maoy 50 oras lamang, walay duhaduha daghan ang makaarang sa pagpakig-ambit sulod niining mga bulana sa ting-init. Ang Magtatan-aw sa Pag-alagad ang modumala niining mitinga ug angayng magtino nga mabatonan ang igoigong Applications for Auxiliary Pioneer Service.

◼ Kon kini wala pa mahimo, buot namong pahinumdoman ang mga kongregasyon sa pagtino nga ipadala ang ilang hangyo alang sa dugang mga magasin nga magamit sulod sa Abril ug Mayo, nga hatagan ug pagtagad ang gidaghanon nga mag-oksilyare payunir sulod nianang mga bulana.

◼ Sugod sa semana sa Abril 17, 2000, atong tun-an ang bag-ong libro nga Patalinghogi ang Tagna ni Daniel! sa mga Pagtuon sa Libro sa Kongregasyon. Sanglit ang libro dili mabatonan sa Bicol, Pangasinan, ug Samar-Leyte, himoon kini nga serye diha sa Watchtower nianang mga pinulongana, sugod sa Marso 15, 2000 nga isyu.

◼ Bag-ong Publikasyon nga Mabatonan:

Pay Attention to Daniel’s Prophecy!​—Cebuano, Hiligaynon, Iloko, Ingles, Ininsek, Tagalog