Mga Pahibalo

◼ Tanyag nga literatura sa Abril ug Mayo: Indibiduwal nga mga kopya sa Ang Bantayanang Torre ug Pagmata! Pakuhaa ug brosyur nga Gikinahanglan ang interesadong mga tawo, ug panlimbasogi sa pagsugod ug mga pagtuon sa Bibliya sa balay. Hunyo: Itanyag ang brosyur nga Gikinahanglan nga anaa sa hunahuna ang pagsugod ug mga pagtuon sa Bibliya sa balay. Hulyo ug Agosto: Bisan hain sa mga brosyur ang mahimong itanyag. Apan, sanglit kita adunay daghang suplay sa brosyur nga, Usa ka Basahon Alang sa Tanang Tawo, among gidasig ang mga kongregasyon sa pag-order aron magamit sulod niining duha-ka-bulan nga kampanya. Ang mga kongregasyon nga wala pa makahangyo sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Request Form (S-AB-14).

◼ Ang 1999 nga Watchtower ug Awake! nga mga tomo sa di madugay mabatonan na ug mahimo na karong orderon. Apan, ibutang sa hunahuna nga kini maoy mga special-request item ug kini mahimo lamang nga orderon sa dihang adunay espesipikong hangyo gikan sa mga magmamantala alang niini. Kon ang mga tomo wala pa moabot sa dihang ang mga order madawat, kini ipakita ingong “back-ordered” ug ang mga tomo ipadala kaninyo sa dihang kini madawat gikan sa Brooklyn.

◼ Sa dihang magsangyaw sa hilit nga mga dapit sa inyong teritoryo sulod sa ting-init nga mga bulan, labing maayo nga itanyag ang librong Kahibalo o ang brosyur nga Gikinahanglan. Ang tanan angayng magdala ug lainlaing mga tract alang niadtong wala sa balay o alang sa mga indibiduwal nga dili mokuhag literatura. Ang mga paningkamot angayng himoon sa pagpaloap sa interes nga makaplagan human niana.

◼ Ang sangang buhatan sa Britanya nagpahibalo kanamo nga ang ubang mga igsoon nga kanhi nagtrabaho sa Saudi Arabia ug sa ubang mga estado nga Arabo lagmit nga nanghatag ug mga ngalan ug mga numero sa telepono sa responsableng mga igsoong lalaki niining mga nasora ngadto sa mga igsoon o interesadong mga tawo nga nagabiyahe didto gikan sa Pilipinas. Samtang ang motibo sa pagbuhat niini dili sayop, apan mitultol kini sa pipila ka malisod nga mga kahimtang ug mahimong magpameligro sa mga igsoon didto. Busa ang tanan nga kanhi nagtrabaho sa maong mga nasod angayng mag-amping nga dili gayod kita manghatag ug mga ngalan o mga numero sa telepono ni bisan kinsang igsoon nga nagpuyo sa mga nasod nga ilalom sa pagbando. Kon ang pipila ka igsoon moadto nianang nasora aron magtrabaho, kinahanglang ilang ipadala ang ilang adres (labing maayo ang kalyeng adres) ug numero sa telepono nianang nasora ngadto sa sangang opisina sa Pilipinas o deretso ngadto sa sangang buhatan sa Britanya, dayon ang mga kahikayan himoon aron adunay usa nga mokontak kanila.