Mga Pahibalo

◼ Tanyag nga literatura sa Disyembre: Ang brosyur nga Usa ka Basahon Alang sa Tanang Tawo itanyag duyog sa New World Translation of the Holy Scriptures. Enero: Bisan unsang daandaang 192-panid nga mga libro mahimong itanyag. Kon ang mga kongregasyon wala pa makabaton sa bisan hain niini nga estak, ang librong Kalipay sa Pamilya mahimong itanyag. Pebrero: Life​—How Did It Get Here? By Evolution or by Creation? Diin ang Ingles dili komon nga gigamit, ang librong Kalipay sa Pamilya mahimong maoy itanyag. Marso: Ang librong Kahibalo ipasiugda uban sa paningkamot nga makasugod ug mga pagtuon sa Bibliya sa balay.

◼ Kon ikaw mobakasyon o motambong sa distritong kombensiyon sa hinapos sa Disyembre, paneguroa nga ihatag ang imong taho ngadto sa sekretaryo sa dili pa molakaw. Kon ang tanan magmahunahunaon sa pagtaho nga untop sa kataposan sa bulan, mabatonan nato ang kompletong taho sa Disyembre.

◼ Mga Amot sa Distritong Kombensiyon: Ang tanang galastohan sa mga kombensiyon, lakip ang abang sa haom nga mga pasilidad, pag-andam sa entablado ug amplipayr, maingon man ang pagtaganag bisan unsang bag-ong mga publikasyon nga mahimong luwatan, gisuportahan pinaagi sa boluntaryong mga amot ngadto sa tibuok-kalibotang buluhaton. Kami nakaseguro nga imong hinumdoman kini sa dihang motambong. Ang mga amot mahimong himoon pinaagi sa paggamit sa mga kahon sa amot nga gitagana didto sa matag kombensiyon.​—Tan-awa ang parapo 19 sa pasukip sa Atong Ministeryo sa Gingharian sa Nobyembre, 1999.

◼ 2001 Tinuig nga Teksto: Ang tinuig nga teksto sa 2001 gikuha sa Colosas 4:​12: ‘Barog nga bug-os ug may hugot nga pagtuo sa bug-os nga kabubut-on sa Diyos.’ Ang tanang kongregasyon kinahanglang maghikay sa pagtaod sa bag-ong tinuig nga teksto diha sa ilang Kingdom Hall sa Enero 1, 2001.

◼ Eskedyul sa Pagtuon sa Libro sa Kongregasyon: Gikan sa semana sa Pebrero 5, 2001, hangtod sa Hulyo 23, 2001, ang librong Ang Sekreto sa Kalipay sa Pamilya pagatun-an sa mga Pagtuon sa Libro sa Kongregasyon.