Mga Pahibalo
◼ Tanyag nga literatura sa Oktubre: Indibiduwal nga mga kopya sa Ang Bantayanang Torre ug Pagmata! Kon sa mga balikduaw makita ang interes, ang mga suskrisyon mahimong itanyag. Pagdala kanunay ug brosyur nga Gikinahanglan aron makasugod ug pagtuon sa Bibliya kon posible. Nobyembre: Ang librong Kahibalo o brosyur nga Gikinahanglan itanyag. Kon ang mga tagbalay aduna na niini, ang Pagpangita sa Katawhan sa Diyos o pipila ka laing daandaang publikasyon mahimong gamiton. Disyembre: Ang Labing Bantogang Tawo nga Nabuhi Sukad, Akong Basahon sa mga Estorya sa Bibliya, o, kon mabatonan, Ikaw Mabuhing Walay Kataposan sa Paraiso sa Yuta. Enero ug Pebrero: Ang daandaang 192-panid nga mga libro mahimong itanyag, sama sa Kalipay—Kon Unsaon Pagkaplag Niini, Ang Kamatuoran nga Motultol sa Kinabuhing Dayon, o Matuod nga Kalinaw ug Kasegurohan—Sa Unsang Paagi Imong Makaplagan? Kon walay mabatonang daandaang mga libro, ang Pagpangita sa Katawhan sa Diyos o ang librong Creation magamit ingong kapiliang tanyag.
◼ Ang pasukip niini nga gula sa Atong Ministeryo sa Gingharian mao ang “Eskedyul sa Teokratikanhong Tunghaan sa Ministeryo sa 2002” ug kinahanglang tipigan alang sa reperensiya sa tibuok tuig. Sama sa kahimtang sa 2001, ang librong Nangatarongan gamiton sa ikatulo ug ikaupat nga pakigpulong sa estudyante. Sanglit kining libroha dili mabatonan sa Bicol, Hiligaynon, Pangasinan, ug Samar-Leyte, ang mga reperensiya nga gitagana niini nga mga edisyon sa pinulongan maoy sa Iningles nga librong Nangatarongan, bisan kon ang mga tema hubaron.
◼ Sa Oktubre 31 ug Nobyembre 1, daghang tawo ang mabalak-on bahin sa namatay nga mga minahal, busa haom nga magdala kitag tract nga Unsay Paglaom sa Namatay nga mga Minahal? ug ang mga brosyur nga Sa Dihang ang Imong Minahal Mamatay o Unsay Mahitabo Kanato sa Dihang Mamatay Kita? sa panahong mamalaybalay o diha sa mga sementeryo nianang mga adlawa. Dugang pa, ang Oktubre 8 nga Pagmata! adunay materyal nga haom niini nga panahon sa tuig.
◼ Bag-ong Videocassette nga Mabatonan: Usa ka bag-ong tunga-sa-oras nga video nga nag-ulohan ug No Blood—Medicine Meets the Challenge mahimo nang orderon karon. Nagpresentar kinig mga komento sa medikal nga mga awtoridad nga nagpaluyo sa atong baroganan maylabot sa dugo. Kini nga video ilabinang giandam alang sa mga di-Saksi, busa mahimong ipasalida kini ngadto sa mga estudyante sa Bibliya, sa di-magtutuong mga kapikas o mga paryente, mga doktor, mga magtutudlo, mga kauban sa trabaho, o mga eskolmet nga hayan mopatunghag mga pangutana bahin sa atong baroganan maylabot sa dugo.
◼ Bag-ong Brosyur nga Mabatonan:
Jehovah’s Witnesses—Who Are They? What Do They Believe?—Cebuano, Hiligaynon, Iloko, Samar-Leyte, Tagalog (Kini nga brosyur mahimong gamiton sa mga pagtuon sa Bibliya aron ipasinati ang mga estudyante sa organisasyon ni Jehova.)