Kon Unsay Isulti Labot sa mga Magasin

Ang Bantayanang Torre Hul. 15

“Sa imong hunahuna silotan ba ang mga daotan didto sa impiyerno? [Tugoting motubag.] Ang Bibliya tin-awng nagpakita kon unsay silot alang sa sala. [Basaha ang Roma 6:23a.] Nan, ang impiyerno ba usa ka dapit sa kalayonhong pagsakit? Usa ba lamang kini ka kahimtang nga nahimulag sa Diyos? Kining magasina naghatag ug Kasulatanhong mga tubag niining mga pangutanaha.”

Pagmata! Hul. 22

“Daghan ang nag-isip sa pagpanugal ingong dinawat nga kalingawan sa katilingban. Gibati sa uban nga makadaot kini sa mga pamilya ug sa katilingban sa katibuk-an. Kining gulaa sa Pagmata! nagsusi sa pagpanugal pinaagi sa pagkonsiderar sa di pa dugayng napatik nga mga panukiduki. Interesado ka usab tingali sa pagbasa kon sa unsang paagi nalangkit ang mga prinsipyo sa Bibliya niining ulohana.” Ingong pananglitan, basaha ang 1 Timoteo 6:10.

Ang Bantayanang Torre Agos. 1

“Daghang tawo ang mibati nga ang mga patuotuo ug mga kostumbre maoy dili makadaot nga kalingawan. [Ipakita ang usa o duha ka punto gikan sa kahon sa panid 5.] Nahunahuna ba nimo sukad kon unsa kahay nagpaluyo niining mga ideyaha? [Human makatubag, basaha ang 2 Corinto 11:14.] Kining magasina naghisgot sa hunahuna sa Bibliya bahin sa mga patuotuo.”

Pagmata! Agos. 8

“Daghang tawo ang nabalaka pag-ayo bahin sa nagauswag nga kapintasan ug terorismo. Tingali mouyon ka sa giingon sa Ecclesiastes 8:9. [Basaha ug tugoting motubag.] Kining gulaa sa Pagmata! naghisgot sa mga leksiyon sa nangaging mga panahon ug nagpakita kon sa unsang paagi ang maong nangibabawng impluwensiya matapos na sa dili madugay.”