Mga Pahibalo

◼ Tanyag nga literatura sa Oktubre: Indibiduwal nga mga kopya sa Ang Bantayanang Torre ug Pagmata! Sa mga balikduaw, ang mga magmamantala mahimong motanyag nga maoy regular nga mohatod sa mga magasin, uban ang tumong nga makasugod ug pagtuon sa Bibliya. Nobyembre: Ang libro nga Kahibalo o ang brosyur nga Gikinahanglan maoy itanyag. Kon aduna na niini ang mga tagbalay, mahimong itanyag ang laing daandaan nga publikasyon. Disyembre: Bisan unsa sa mosunod nga mga libro mahimong itanyag: Ang Labing Bantogang Tawo nga Nabuhi Sukad, Ang Bibliya​—Pulong sa Diyos o sa Tawo?, Akong Basahon sa mga Estorya sa Bibliya, o Ikaw Mabuhing Walay Kataposan sa Paraiso sa Yuta. Enero: Bisan unsang daandaang 192-panid nga libro mahimong itanyag. Kadtong walay mabatonang daandaang mga libro mahimong motanyag sa Pagpangita sa Katawhan sa Diyos.

◼ Ang pasukip niini nga gula sa Atong Ministeryo sa Gingharian mao ang “Eskedyul sa Teokratikanhong Tunghaan sa Ministeryo sa 2003” ug kinahanglang tipigan kini alang sa reperensiya sa tibuok tuig. Ubay-ubay sa mga pakigpulong sa estudyante gipasukad sa librong Nangatarongan. Sanglit kining libroha dili mabatonan sa Bicol, Hiligaynon, Pangasinan, ug Samar-Leyte, ang panid nga mga reperensiya niini nga mga edisyon sa pinulongan maoy sa librong Reasoning sa Ingles, bisan kon ang mga tema hubaron.

◼ Sa Oktubre 31 ug Nobyembre 1, daghang tawo ang mabalak-on bahin sa namatay nga mga minahal, busa haom nga magdala kitag mga tract nga Unsay Paglaom sa Namatay nga mga Minahal? o Ikaw ba Adunay Espiritu nga Dili-Mamatay? ug ang mga brosyur nga Sa Dihang ang Imong Minahal Mamatay o Unsay Mahitabo Kanato sa Dihang Mamatay Kita? sa dihang mamalaybalay o diha sa mga sementeryo nianang mga adlawa.

◼ Aduna pa kitay suplay sa 2002 Tinuig nga Basahon sa Cebuano, Iloko, ug Tagalog sa sangang buhatan. Buot namong dasigon kadtong nagkinahanglan niini sa pag-order pinaagi sa kongregasyon. Ang mga kongregasyon mahimong moorder alang sa ilang librarya sa Kingdom Hall.

◼ Ang mga order alang sa 2003 Tinuig nga Basahon mahimo na karong ipadala ngadto sa sangang buhatan. Nagpadala kami ug Yearbook Order Blank uban sa kuwentada sa Hunyo para niining katuyoana. Sa dihang mag-order niining tuiga, palihog hinumdomi nga ang kasaysayan sa buluhaton dinhi sa Pilipinas pagahisgotan sa 2003 Tinuig nga Basahon, busa walay duhaduha nga buot ninyong moorder ug igoigong suplay alang sa mga igsoon. Hubaron kini ngadto sa Cebuano, Iloko, ug Tagalog aron makabenepisyo ang tanan. Palihog ipadalag balik ang order blank nga dili maulahi sa Nobyembre 15, 2002.

◼ Bag-ong Audiocassette nga Mabatonan:

A Satisfying Life​—How to Attain It—Ingles