Repaso sa Teokratikanhong Tunghaan sa Ministeryo

Sirado-basahong pagsubli sa materyal nga nakobrehan diha sa mga asaynment sa Teokratikanhong Tunghaan sa Ministeryo para sa mga semana sa Septiyembre 2 hangtod sa Disyembre 23, 2002. Gamita ang usa ka separadong papel sa pagsulat sa mga tubag sa mga pangutana sa daghan nga imong maarangan diha sa gitagal nga panahon.

[Matikdi: Sulod sa panahon sa sinulat nga pagsubli, ang Bibliya lamang ang mahimong gamiton sa pagtubag sa bisan unsang pangutana. Ang mga reperensiya nga nagasunod sa mga pangutana maoy alang sa imong personal nga panukiduki. Ang mga numero sa panid ug parapo mahimong dili makita diha sa tanang reperensiya sa Ang Bantayanang Torre.]

Tubaga ang matag usa sa mosunod nga mga pahayag nga Matuod o Bakak:

1. Ang pagpamalandong sa kahibulongang mga hiyas ni Jehova maoy usa ka hinungdanong lakang sa pagpakigsuod kaniya. (Sal. 143:5) [w00 10/15 p. 4 par. 6] Matuod.

2. Ang paghiusa sa duha ka pudlos nga gihisgotan sa Ezequiel 37:15-24 adunay modernong katumbas sa pagkaagi nga sa 1919 ang matinumanong dinihogan nahiusa ilalom ni Kristo, ang ilang ‘usa ka hari’ ug ‘usa ka magbalantay.’ [Senemanang pagbasa sa Bibliya; tan-awa ang w88 9/15 p. 25 par. 13.] Matuod.

3. Bisan pag ang matukiong mga pagpanaway sa Bibliya nagkuwestiyon sa pagkamakasaysayanhon sa basahon ni Daniel, ang arkeolohikal nga mga kaplag latas sa katuigan bug-os nagwagtang sa ilang mga pangangkon. [si p. 138 par. 4] Matuod.

4. Kon ang atong madunggan maggikan sa usa ka daw kasaligang tinubdan o sa usa nga may dakog kahibalo, walay lig-ong katarongan nga isalikway kana ingong sayop. [w00 12/1 p. 29 mga par. 7-8] Bakak. Sanglit ang maayong pagkalaraw nga mga argumento mahimong maggikan sa daw makinaadmanon ug kasaligang mga tinubdan nga ‘malipatlipaton sa pagmugnag sayop,’ ang maong mga argumento kinahanglang ‘sulayan’ sumala sa kahayag sa 1 Juan 4:1. (Efe. 4:14)

5. Ang pamulong nga “gagmay nga mga manalagna” haom nga naghubit sa dili kaayo hinungdanon nga kataposang 12 ka basahon sa Hebreohanong Kasulatan. [si p. 143 par. 1] Bakak. Kini nga pamulong mas haom nga gipadapat sa tingob nga gitas-on niining inspiradong mga basahon sa Bibliya, nga mas mubo pa kay sa Isaias o Jeremias.

6. Si Amos maoy usa sa “mga anak nga lalaki sa mga manalagna” sa dihang gitawag ug gipadala siya ni Jehova aron managna ngadto sa Juda ug Israel. (2 Ha. 2:3) [si p. 148 par. 1] Bakak. Sa dihang gitawag sa Diyos alang sa publikong pag-alagad, siya maoy tigbuhi ug mga karnero ug nagtrabahog ubos, dili regular nga trabaho ingong tigtudyok sa mga igos. (Amos 7:​14, 15)

7. Ang Abdias 16 nagtagna sa pagkapuo sa nasod sa katawhan sa Edom tungod kay sila nayugot sa Juda. (Abd. 12) [Senemanang pagbasa sa Bibliya; tan-awa ang kahon sa w89 4/15 p. 30.] Matuod.

8. Ang “putling pinulongan” nga gihisgotan sa Sofonias 3:9 naglakip sa hustong pagsabot sa kamatuoran bahin sa Diyos ug sa iyang mga katuyoan. [Senemanang pagbasa sa Bibliya; tan-awa ang w01 2/15 p. 27 par. 18.] Matuod.

9. Ang katarongan nga si Jesus mibatig hilabihang emosyonal nga kapit-os didto sa tanaman sa Getsemane mao nga siya nabalaka kon sa unsang paagi ang iyang kamatayon ingong makauulaw nga kriminal mag-apektar kang Jehova ug sa Iyang balaang ngalan. (Mat. 26:38; Luc. 22:44) [w00 11/15 p. 23 par. 1] Matuod.

10. Ang “Filistehanon” nga nahimong “ingon sa usa ka sultan sa Juda,” sama sa gihubit sa Zacarias 9:​6, 7, matagnaong naghubit sa mga membro sa ubang mga karnero karong adlawa nga gibansay sa “matinumanon ug maalamong ulipon” ug gihatagag awtoridad sumala sa gikinahanglan. (Mat. 24:45) [Senemanang pagbasa sa Bibliya; tan-awa ang w95 7/1 p. 23 par. 14.] Matuod.

Tubaga ang mosunod nga mga pangutana:

11. Sa unsang paagi ang atong responsabilidad sa pagsangyaw ikatandi sa responsabilidad ni Ezequiel ingong magbalantay? (Ezeq. 33:1-11) [Senemanang pagbasa sa Bibliya; tan-awa ang w88 1/1 p. 28 par. 13.] Sama kang Ezequiel, kinsa giasayn sa pagpasidaan sa mga Israelinhon nga taliabot ang pagpatay kanila kon dili sila motalikod gikan sa ilang daotang mga dalan, ang magbalantay nga matang ug ang ilang mga kauban adunay responsabilidad sa pagpasidaan sa mga tawo sa taliabot nga paghukom sa Diyos.

12. Unsay katumbas sa panan-awon ni Ezequiel mahitungod sa ugang mga bukog ang nakita sa modernong panahon? (Ezeq. 37:5-10) [Senemanang pagbasa sa Bibliya; tan-awa ang w88 9/15 p. 24 par. 12.] Sa 1918 ang gilutos nga nanghibilin sa espirituwal nga Israel nahimong sama sa ugang mga bukog​—namatay may kalabotan sa ilang publikong pagsangyaw nga buluhaton; apan sa 1919, si Jehova nagbuhi pag-usab kanila ingong mga magmamantala sa Gingharian.

13. Unsa ang labing makapakombinsir nga pamatuod nga inspirado sa Diyos ang basahon ni Zacarias? [si p. 169 par. 5] Ang labing makapakombinsir nga pamatuod nga inspirado sa Diyos ang maong basahon makaplagan diha sa katumanan sa mga tagna niini bahin kang Kristo Jesus.

14. Unsay gihawasan sa siyudad diha sa panan-awon ni Ezequiel? (Ezeq. 48:15-17) [Senemanang pagbasa sa Bibliya; tan-awa ang w99 3/1 p. 18 par. 22.] Tungod kay kini nahimutang taliwala sa “mahugaw” (dili-balaan) nga yuta, yutan-on gayod kini; mopatim-aw nga kini naglarawan sa yutan-ong administrasyon nga makahatag ug kaayohan sa tanan nga molangkob sa matarong nga yutan-ong katilingban. (2 Ped. 3:13) (Diwa igo na)

15. Nganong ikapangatarongan man pinasukad sa Isaias 2:2-4 nga ang mga nagakahitabo sa Israel karong adlawa wala magtuman sa tagna sa Bibliya sa espesipikong paagi? [rs p. 192 par. 2] Karong adlawa, wala nay “balay sa Diyos ni Jacob” sa Jerusalem, diin didto kanhi nahimutang ang templo, kondili, hinuon, usa ka Islamikong halaran; dugang pa, walay lihok sa bahin sa Israel o sa mga kasilinganan niini sa ‘pagsalsal sa ilang mga espada nga mga punta sa daro.’

16. Unsang leksiyon ang makat-onan gikan sa reaksiyon ni Daniel maylabot sa sugo sa hari nga walay laing ampoan nga diyos o tawo gawas lang sa hari sulod sa 30 ka adlaw? (Dan. 6:7-10) [Senemanang pagbasa sa Bibliya; tan-awa ang dp p. 125 mga par. 25-8.] Maingon nga giisip ni Daniel ang bisan unsang kausaban sa iyang naandang kalihokan nga katumbas sa pagkompromiso ug dili niya gustong makahinapos ang mga maniniid nga siya nahadlok sa mga tawo o nga ang sugo sa hari labaw pa kay sa balaod sa Diyos, kita kinahanglang magmaunongon ug magmatinumanon kang Jehova.

17. Sa pagmantala sa unsang mensahe ni Jehova nga ang nahibilin nahisama sa usa ka leyon taliwala sa mga nasod? (Miq. 5:8) [Senemanang pagbasa sa Bibliya; tan-awa ang w82-CV 1/15 p. 22 par. 10.] Sa pagmantala sa “adlaw sa panimalos sa bahin sa atong Diyos,” ang ilang kaisog nahisama sa usa ka leyon, nga nagpasidaan sa mga kaaway sa natukod nga Gingharian sa Diyos nga sila pagalaglagon sa Armagedon pinaagi sa Manggugubat nga Hari ni Jehova, si Jesu-Kristo, “ang Leyon nga gikan sa tribo ni Juda.” (Isa. 61:1-3; Pin. 5:5)

18. Unsay kahulogan sa mga pulong nga “pinaagi sa kaugalingon niyang mga bangkaw imong gipalagbasan ang ulo sa iyang mga manggugubat,” diha sa Habacuc 3:14? [Senemanang pagbasa sa Bibliya; tan-awa ang w00 2/1 p. 22 par. 15; w81-E 8/1 p. 29 mga par. 6-7.] Sa Armagedon ang mga kaaway sa katawhan sa Diyos magkaguliyang sa dihang ipahinabo ni Jehova nga ang ilang mga hinagiban mobali batok kanila.

19. Unsay gipaila sa paggamit sa pulong “tingali” diha sa Sofonias 2:3? [Senemanang pagbasa sa Bibliya; tan-awa ang w01 2/15 p. 19 par. 8.] Kasaligan ang saad sa Diyos, apan ang hinungdanon mao kon matinuoron ba kitang mopadayon sa pagbuhat kon unsay matarong sa mga mata sa Diyos; dili angayng mosalig sa kaugalingon, ug gipahinumdoman kita nga dili abusohan ang kaluoy sa Diyos.

20. Sumala sa Zacarias 8:​6, sa mga tuig sukad sa 1919, giunsa pagpalampos ni Jehova ang daw malisod kaayo gikan sa tawhanong panglantaw? [Senemanang pagbasa sa Bibliya; tan-awa ang w96 1/1 p. 16 mga par. 18-19.] Niadtong 1919, ang espiritu ni Jehova nagbuhi pag-usab sa iyang katawhan alang sa buluhaton sa unahan; sukad niadto, gipanalanginan ni Jehova ang iyang katawhan uban ang pag-uswag, gipalig-on sila sa organisasyonal nga paagi, ug gisangkapan sila sa pagbuhat sa buluhatong pagwali sa maayong balita sa tibuok kalibotan.

Itagana ang (mga) pulong o prase nga gikinahanglan sa pagkompleto sa matag usa sa mosunod nga mga pahayag:

21. Makigsulti kita kang Jehova pinaagi sa ․․․․․․․․, pag-ampo, nga maoy masimbahong pagpakigsulti sa Diyos; sa baylo, ang pangunang paagi nga makigsulti siya kanato maoy pinaagi sa iyang ․․․․․․․․ sinulat nga Pulong.. (Sal. 65:2; 2 Tim. 3:16) [w00 10/15 p. 5 mga par. 2-3]

22. Si Jesu-Kristo mailhan ingong Miguel pinaagi sa pagtandi sa Judas 9 ug sa 1 Tesalonica 4:16 (Revised Standard), diin ang sugo ni Jesu-Kristo nga sugdan ang pagpamanhaw gihubit ingong ang “ ․․․․․․․․”; “tingog sa arkanghel”; dugang pa, ang ngalang Miguel nagkahulogang “ ․․․․․․․․,” “Kinsa ang Sama sa Diyos?,” dayag nga nagpaila nga si Jesus maoy manguna sa pagbayaw sa pagkasoberano ni Jehova ug sa paglaglag sa mga kaaway sa Diyos. [rs p. 229 mga par. 1-2]

23. Ang “paggula sa sugo sa pagpasig-uli ug sa pagtukod pag-usab sa Jerusalem” nahitabo niadtong ․․․․․․․․, 455 W.K.P., nga nagtimaan sa pagsugod sa 69 ka semana sa mga tuig, ug natapos sa pagtungha sa Mesiyas sa ․․․․․․․․. 29 K.P. (Dan. 9:25) [Senemanang pagbasa sa Bibliya; tan-awa ang dp p. 190 par. 20–​p. 191 par. 22.]

24. Ang Joel 2:​31, nga naghisgot bahin sa adlaw nga mahimong kangitngit, katumbas sa Mateo 24:​29, 30, diin si ․․․․․․․․ Jesus naghubit sa iyang pag-anhi ingong Anak sa tawo uban ang ․․․․․․․․. gahom ug dakong himaya. [si p. 147 par. 13]

25. Ang tagna ni ․․․․․․․․ Nahum mahitungod sa Asirya ug sa kaulohang siyudad niini, ang ․․․․․․․․, Nineve, nagtuboy sa hustisya ug pagkalabaw ni Jehova ug nagpasalig kanato nga ipahamtang ni Jehova ang hustisya sa tanang daotan. [si p. 160 par. 11]

Pilia ang hustong tubag sa matag usa sa mosunod nga mga pahayag:

26. Ang basahon ni Ezequiel nagpasiugda nga si Jehova (mahinatagon; mapaubsanon; balaan) ug nagpaila nga (ang kaugmaran sa personalidad sa usa; ang pagbalaan sa ngalan ni Jehova; ang pagkahimong maayong silingan) mas hinungdanon kay sa bisan unsang butang. [si p. 137 par. 33]

27. Si Ezequiel, kinsa nabuhi sa samang panahon ni Daniel, nagpamatuod nga si Daniel maoy tinuod nga persona, nga nagngalan kaniya uban kang (Noe ug Job; Moises ug Josue; Elias ug Eliseo). [si p. 138 par. 2]

28. Kaharmonya sa Daniel 2:​34, 35, 45, ang bato nga miigo ug midugmok sa imahen naghawas sa (Armagedon; masakit nga mga mensahe sa paghukom nga gimantala sa katawhan sa Diyos; Mesiyanikong Gingharian). [si p. 142 mga par. 20, 23]

29. Ang simbolikong nasod sa mga dulon nga gihisgotan sa Joel 1:4-6 naghawas sa (nasod sa Israel; dinihogang mga Kristohanon; Romanong mga kasundalohan). (Buh. 2:​1, 14-17) [Senemanang pagbasa sa Bibliya; tan-awa ang w98 5/1 p. 9 par. 9.]

30. Ang “gingharian sa Anak nga iyang gihigugma” nga gihisgotan sa Colosas 1:13 mao ang (Mesiyanikong Gingharian; pagmando ni Kristo ibabaw sa Kristohanong kongregasyon sukad sa Pentekostes 33 K.P. padayon; Usa ka Libo ka Tuig nga Pagmando ni Kristo). [rs p. 187 par. 4]

Ipatukma ang mosunod nga mga kasulatan sa mga pahayag nga gitala sa ubos:

Os. 6:6; Joel 2:32; Zac. 4:​6, 7; 13:3; Roma 12:2

31. Dili gayod nato tugotan ang kultural o sekular nga mga sukdanan niining sistemaha sa mga butang nga maoy moimpluwensiya sa atong hunahuna. [Roma 12:2] [w00 11/1 p. 21 par. 5]

32. Ang makapahimuot sa Diyos mao ang mga pahayag sa maunongong gugma nga gipasukad sa pagkaila kaniya, dili ang daghang halad nga gitanyag sa seremonyal nga paagi. [Os. 6:6] [Senemanang pagbasa sa Bibliya; tan-awa ang si p. 145 par. 16.]

33. Ang pagkaila, pagtahod, ug pagsalig sa persona nga nagdala sa balaang ngalan maoy hinungdanon alang sa kaluwasan. [Joel 2:32] [Senemanang pagbasa sa Bibliya; tan-awa ang kahon sa w89 3/15 p. 30.]

34. Ang katuyoan sa Diyos mamatuman, dili pinaagi sa bisan unsang gahom sa tawo, kondili pinaagi sa iyang espiritu, nga magpaarang sa iyang mga alagad sa pagsagubang sa samag-bukid nga mga babag ug sa paglahutay diha sa pag-alagad sa Diyos. [Zac. 4:​6, 7] [si p. 169 par. 2]

35. Ang pagkamaunongon nga maoy timailhan sa organisasyon ni Jehova milabaw sa matag tawhanong relasyon, sama nianang iya sa suod nga relasyon sa mga paryente. [Zac. 13:3] [si p. 171 par. 24]